Sparkle stars, naghatid ng saya sa Sparkle Grand Fans Day 2023

Maagang pamasko ang handog ng Sparkle artists para sa kanilang mga tagasuporta sa naganap na Sparkle Grand Fans Day 2023 sa SM North EDSA Skydome kahapon (December 10).

Dumalo at naghatid ng masasayang song performances ang Sparkle stars na sina Alden Richards, Barbie Forteza, Ruru Madrid, Bianca Umali, Kelvin Miranda, at Jak Roberto para sa kanilang fans.

Mayroon ding production number ang Sparkle Teens na sina James Graham, Aya Domingo, Gaea Mischa, Charlie Fleming, Bryce Eusebio, John Clifford, Naomi Park, Selina Griffin, Waynona Collings, Aidan Veneracion, Princess Aliyah, Liana Mae, Keisha Serna, Lee Victor, Ashley Sarmiento, Marco Masa, at Zyren Dela Cruz.

Naghatid naman ng kilig ang ilang Sparkle Love Teams sa pamamagitan ng kanilang song performances. Bukod dito, nag-perform din ang youngest P-pop group ng bansa na Cloud 7, na binubuo nina Kairo, Egypt, Lukas, Migz, Johann, Fian, at PJ.

Present din sa Sparkle Grand Fans Day 2023 ang ilang miyembro ng Sparkada, Firefly child star Euwenn Mikaell, at marami pang iba. Nakasama rin ng masuswerteng fans ang ilang Sparkle stars at naka-duet sila sa stage.

Bukod sa inihandang production numbers ng Sparkle artists, may pa-raffle rin ang mga ito para sa lucky fans na nakapag-uwi ng papremyo.