Around GMA

Indian family of alleged Bondi gunman didn't know of 'radical mindset', Indian police say
Dawn fire razes 7 houses in Estancia, Iloilo
Japanese lifestyle brand unveils limited edition 'Evangelion' merch collection

Article Inside Page

Showbiz News

Binigyang pagkilala bilang Most Outstanding Entertainment Show ang 'Family Feud' at Most Outstanding Talk Show ang programa ng batikang TV host na si Boy Abunda na 'Fast Talk with Boy Abunda' sa 6th Gawad Lasallianeta.

Kabilang ang Kapuso weekday game show na Family Feud at multi-platform talk show na Fast Talk with Boy Abunda sa mga programa ng GMA na kinilala sa 6th Gawad Lasallianeta.

Dito ay binigyang pagkilala bilang Most Outstanding Entertainment Show ang Family Feud kung saan nagsisilbing game master si Kapuso Primetime King Dingdong Dantes.

Ito na ang ikalawang beses na kinilala ang Family Feud sa Gawad Lasallianeta.

Samantala, kinilala naman bilang Most Outstanding Talk Show ang programa ng batikang TV host na si Boy Abunda na Fast Talk with Boy Abunda.

Kamakailan, tinanggap din ng nasabing programa ang kanilang unang award bilang Best Talk Show sa 45th Catholic Mass Media Awards.

Matatandaan na nagpasalamat noon si Boy at inialay ang naturang award sa lahat ng mga bumubuo ng nasabing talk show.

Aniya, “Maraming salamat, Catholic Mass Media Awards, dahil po sa aming unang award. This is our first award po sa Fast Talk. Maraming salamat.”

Dagdag pa niya, “This doesn't belong to me, this belongs to each and every one of you dito sa studio.”

Patunay lamang ang mga pagkilalang ito na ang programang Family Feud at Fast Talk with Boy Abunda ay epektibo at matagumpay sa pagbibigay ng kasiyahan at good values sa Filipino audience.

Isasagawa naman ang awarding ceremony ng 6th Gawad Lasallianeta sa De La Salle Araneta University sa darating na January 29, 2024.

Patuloy na tumutok sa Fast Talk with Boy Abunda, 4:45 P.M., at Family Feud, 4:45 P.M., Lunes hanggang Biyernes sa GMA.