Toni Gonzaga, paano nga ba napalapit sa kapatid na si Alex?

Ang magkapatid na sina Toni Gonzaga at Alex Gonzaga ay kabilang sa showbiz personalities na sinusubaybayan ng maraming Pinoy viewers.

Kamakailan lang, napanood si Toni bilang guest sa vlog ng entertainment writer at content creator na si Aster Amoyo.

Sa naturang vlog, may ini-reveal ang kilalang host-actress at content creator tungkol sa kanya at sa kanyang kapatid na si Alex Gonzaga.

Pag-amin ni Toni, “Hindi kami magkasundo nung bata kami. Lagi akong asar sa kanya, siya rin laging asar sa akin. Hindi talaga kami magtugma at magkaiba talaga ang personality namin.”

Kasunod nito, ibinahagi na niya kung paano nagsimula ang pagkakasundo at closeness nila ni Alex.

Pahayag niya, “Nag-ayos lang kami… naintindihan namin na magkakampi kami at magkaibigan pala kami nung 20s na ako, nung na-brokenhearted ako.”

Dagdag pa ni Toni, “Sabi niya, so brokenhearted ka… Sabi ko, ay brokenhearted ka rin, grabe. Doon lang kami nagtugma na parehas pala tayong nage-emote… doon lang nung naging brokenhearted kami.”

Sila Toni at Alex ay kilala sa Philippine entertainment industry bilang mga aktres at content creators.

Ang magkapatid ay mga anak nina Carlito “Bonoy” at Crisanta “Pinty” Gonzaga na vloggers na rin ngayon tulad ng kanilang mga anak.