Excited na ang cast ng 'Hanggang Sa Dulo Ng Buhay Ko' na maipalabas ang kanilang one-of-a-kind suspense drama series. Kilalanin ang mga bumubuo ng panibagong Kapuso serye na ito.
From left to right, Direk Jorron Lee Monroy, Francine Prieto, Sharmaine Arnaiz, Euwenn Mikael Aleta, Rayver Cruz, Kris Bernal, Kim Domingo, Boots Anson-Roa, and Beverly Salviejo
Stand out si Kris Bernal sa kanyang crimson-colored gown sa ginanap na media conference ng teleserye.
Bibigyang buhay ni Kris ang karakter ni Naomi, ang babaeng gagawin ang lahat mabawi lang ang kanyang pinakamamahal na si Mateo kahit sumakabilang buhay na siya.
Mala-prinsipe naman si Rayver Cruz sa kaniyang printed blazer-vest combo na may kasama pang ribbon tie.
Gagampanan niya si Mateo, ang asawa ni Yvie (Megan Young), na minumulto ng kanyang ex na si Naomi.
Marami naman ang nagulat nang ipakita ni Kim Domingo ang kanyang new do, isang short and blunt bob cut.
Mapapanood siya bilang Katya sa 'Hanggang Sa Dulo Ng Buhay Ko,' ang pinsan at best friend ni Yvie. May malaking papel siyang gagampanan sa istorya ngunit nananatiling tikom ang bibig ni Kim tungkol dito.
Si Miss Boots Anson-Roa naman ay gaganap bilang si Abuela Adora, ang lola ni Mateo na kontra kay Yvie.
Komplikado raw ang role ni Sharmaine Arnaiz as Tina, ang ina ni Yvie na may history ng mental illness.
Masaya naman si Francine Prieto sa kanyang karakter na si Mercy, ang ina ni Katya at tita ni Yvie.
Gagampanan naman ni Beverly Salviejo ang mapamahiing katulong nina Mateo at Abuela Adora na si Yaya Vane.
Ginulat ni Euwenn ang press nang ikuwento niyang nakakakita raw siya ng mga kakaibang nilalang. Mapapanood siya bilang si Santino, ang ampon nina Yvie at Mateo.
Ayon kay Direk Jorron, dream come true raw para sa kanya ang proyektong ito at gagamitan daw nila ito ng techniques na pampelikula.
Abangan ang 'Hanggang Sa Dulo Ng Buhay Ko,' this July 22 na from Mondays to Saturdays pagkatapos ng 'Eat Bulaga!'