Allen Dizon at Katrina Halili, kinilala sa Emirates Film Fest
Around GMA
Around GMA
Moderate to heavy rain in parts of PH on non-working holiday Monday Farm to Table: (December 7, 2025) LIVE Car driven by cop falls into ravine in Balamban, CebuArticle Inside Page
Showbiz News
Congratulations, Allen Dizon, Katrina Halili, at sa buong production team ng 'AbeNida.'
May bagong achievement si Allen Dizon bilang isang aktor.
Kamakailan lang, pinarangalan si Allen bilang Best Actor sa 10th Emirates Film Festival, ang first independent film festival sa United Arab Emirates o UAE.
Ang pagkilalang ito ay mula sa performance ng aktor sa AbeNida, isang psychological drama film.
Nabuo ang naturang pelikula sa ilalim ng direksyon ni Direk Louie Ignacio.
Sa Instagram, ilang larawan ang ibinahagi ni Allen tungkol sa parangal na kanyang natanggap.
Mababasa sa caption ng aktor sa kanyang post ang pasasalamat sa bumubuo ng film festival at kanyang mga nakasama sa pelikula.
Sulat niya, “Thank you so much 10th Emirates Film Festival for this Best Actor award. Maraming Salamat po Direk Louie Ignacio, sa aking co-actor Ms. Katrina Halili, and sa aming producer Ma'am Baby Go BG Production International.”
Dagdag pa niya, “Mabuhay po ang pelikulang Filipino. #BestActor, #Abenida, #ActorsLife.”
Ang co-star ni Allen sa pelikula na si Katrina Halili ay kinilala naman ng Emirates Film Festival bilang Best Supporting Actress.
Samantala, kasalukuyang napapanood si Allen sa hit GMA series na Abot-Kamay Na Pangarap.
Related gallery:'Abot-Kamay Na Pangarap' male doctors who will make your heart flutter
Si Katrina naman ay napapanood sa GMA drama action series na Black Rider.
Congratulations sa buong production team ng AbeNida!
