Miguel Tanfelix tries his luck in singing
Published On: July 28, 2014, 08:26 PM
Updated On: March 20, 2020, 08:26 AM
By AL KENDRICK NOGUERA
PHOTO BY ELISA AQUINO, GMANetwork.com
Marami ng talents si Niño star Miguel Tanfelix pero hindi pa rin siya tumitigil na madagdagan pa ang mga ito. Kaya naman pati ang pagkanta ay pinag-aaralan na rin ngayon ng batang aktor.
StarStruck Kids pa lamang ay nagpakita na ng kanyang talents si Miguel. Mas nakilala nga siya noon dahil sa kanyang husay sa pagsayaw. Kahit ngayong teenager na siya, napapasigaw pa rin ni Miguel ang audience sa kanilang mall shows dahil sa kanyang moves.
Sa katunayan nga ay mayroong pinauso si Miguel na dance move sa Niño na tinawag niyang ‘Ay Nadapa!’ Itinuro niya pa nga sa isang video tutorial kung paano ito sayawin.
Sa ulat ni Aubrey Carampel sa Chika Minute, sinabi ni Miguel na gusto niya pang matuto ng maraming bagay. “Bilang isang artista, kailangan nating gawin lahat. Kailangan nating umarte, mag-host, magsayaw. Eh hindi ako marunong kumanta. Kaya ito nag-aaral nga po ako,” pahayag niya.
Inamin naman ni Miguel na hindi siya magaling kumanta kaya’t pag-aaralan niya nang mabuti ang bagong challenge sa kanyang career. "Hindi po talaga ako kumakanta kaya bago po sa 'kin 'to ngayon kaya gusto ko siyang i-try. Kaya para may maiba naman po sa akin,” saad niya.