Stephanie Sol, humahanga sa kanyang 'Sa Puso ni Dok' co-stars

By MICHELLE CALIGAN

PHOTO BY ALLANAH PARAGAS, GMANetwork.com
 

Baguhan man siya sa industriya pero kaliwa't kanan na ang mga proyekto ni Stephanie Sol sa Kapuso network. Pagkatapos mamatay ang kanyang character na si Magda sa primetime series na Niño, kasama siya ngayon sa groundbreaking medical drama na Sa Puso Ni Dok. Mapapanood din siya sa upcoming show na More Than Words with Elmo Magalona and Janine Gutierrez.

 

Very thankful si Stephanie sa takbo ng career niya ngayon, lalo pa't malalaking artista ang nakakasama niya tulad nina Dennis Trillo at Bela Padilla.

 

"Siyempre sa una parang nahihiya ako kasi hello, Dennis Trillo tapos parang love interest ko pa siya so dapat sobrang close ko sa kanya. 'Yung role ko parang childhood friend niya and I am so in love with him. Feeling ko, girlfriend niya ako pero hindi talaga," nakakatuwang kuwento niya.

 

Dagdag pa niya, "He's super gentleman, but he's the silent type. Eh madaldal ako so parang iniisip ko baka naiirita na siya. But no, he makes me feel comfortable naman."

 

As for Bela, Stephanie describes her as a brilliant actress and a really good person. "Kasi I have never really seen her work before, but I have heard her name. Nagte-taping kami nang ma-receive niya ang Best Supporting Actress award niya, tapos sabi ko she really, really deserves it. She's a really good person."

 

Binigyan pa nga daw siya ni Bela ng sapatos during one of their tapings. "Kasi may time na wala akong dalang black na flats, tapos pinahiram niya ako. Sabi niya 'Sa 'yo na lang 'yan.' Palagi rin siyang may dalang food, mga sweets, sa set."

 

Overall, she is having a great time with the entire Sa Puso Ni Dok team. "Sobrang gaan nilang katrabaho. Hindi ka nangangarag at hindi mo mapi-feel na nagwo-work ka kasi maalaga silang lahat. Sobrang okay, wala akong masabi. Good experience lahat."