Benjamin Alves says it’s weird to have kissing scenes with Chynna Ortaleza
Published On: September 10, 2014, 03:32 PM
Updated On: March 06, 2020, 10:37 PM
By AL KENDRICK NOGUERA
PHOTO BY ELISA AQUINO, GMANetwork.com
Close na close daw ang cast members ng Dading. Ayon ‘yan mismo sa Kapuso stars na sina Gabby Eigenmann, Glaiza de Castro, Benjamin Alves at Chynna Ortaleza.
Pero bago pa magkasama-sama ang apat sa Afternoon Prime soap, malapit na raw ang loob nina Benjamin at Chynna sa isa’t isa.
Kuwento ni Benjamin, isa si Chynna sa mga una niyang nakilala nang maging Kapuso siya. “I've known Chynna since I started in GMA. I did my first workshop in GMA with her,” pahayag niya.
Mula raw noong workshop nila hanggang ngayon, napakahusay pa rin daw umarte ni Chynna. “She's great! Ang galing,” ani Benjamin.
Mag-boyfriend ang relasyon ng characters nina Chynna at Benjamin sa Dading. Kaya naman hindi mawawala ang kissing scenes sa dalawang aktor.
Ikinuwento ni Benjamin ang kissing scene nila ni Chynna. “It's weird that we have to do kissing scenes because she's like a sister to me. Our first scenes was a kissing scene,” kuwento niya.
“So tawanan na lang kami. Ang maganda kay Chynna, she's very talented. That's not news and surprise to anybody,” dagdag ni Benjamin.
Sinisigurado raw ni Benjamin na makakasabay siya sa galing ni Chynna tuwing magkakaeksena sila. All-out daw kasi ang aktres tuwing naka-roll ang camera.
“As a co-actor, you continually have to make sure that you're prepared and invest in the scene because you see her 100 percent there, all the time,” saad ni Benjamin.
Dagdag niya, “Iba 'yung professionalism niya and that's very rare and that's very hard to achieve. So I'm constantly trying to catch up with her, with them, Gabby [Eigenmann] and Glaiza [de Castro] because these guys are seasoned actors.”