Arthur Solinap acts like Rochelle Pangilinan in 'Pepito Manaloto?'

By AEDRIANNE ACAR 

PHOTO BY BOCHIC ESTRADA, GMANetwork.com

Proud ang longtime girlfriend ni Arthur Solinap na si Rochelle Pangilinan sa magaling na performance ng Kapuso hunk sa Saturday night comedy series na Pepito Manaloto: Ang Tunay na Kuwento. 

 

Ani Rochelle, napalitaw raw ng creative director ng show na si Michael V ang talent ni Arthur sa larangan ng comedy.

 

Saad ni Rochelle, “Siguro si Kuya Bitoy nakita ‘yung ugali niya (Arthur) kasi nakakatawa siya. Sobrang nakakatawa siya. Dati nung bago kami nagpapatawa na siya hindi ko pa alam na nagpapatawa na siya, pero ngayon nage-gets ko na siya. Ako ‘yung grabe ‘yung tawa.” 

 

Tuwang-tuwa rin ang mga former Survivor contestants na sina Betong Sumaya at Mae Bautista kay Arthur.

 

“Like si Betong 'tsaka si Mae sobrang kaibigan niya kaya ‘yung dalawa tawa ng tawa. Siguro si Kuya Bitoy [kaya] binibigyan siya ng malaking part sa Pepito Manaloto kasi nakakatawa siya.”

 

Feeling nga ng former Sexbomb dancer na tila nahahawa na sa kanya ang boyfriend dahil nagagamit daw nito ang ilang ugali niya para ma-portray ang karakter niya sa Pepito Manaloto. 

 

Aniya, “Baklang ewan nade-deliver niya (Arthur) ng maganda. Minsan ang lalaki niya magsasalita. ‘Wit' (wait) sabi ko, natutunan ba niya sa akin ‘to? [laughs] Nagtataka na ako!” 

 

“Minsan ganun na siya magsalita ang galing lang. Pero hindi siya pinapaamin na bakla so ang ganda, ang galing nila doon. Avid fan ako ng Pepito.”