Jennylyn Mercado's movie comeback excites fans: 'The rom-com queen is back!'
Around GMA
Around GMA
Dennis Trillo amid AACA 2025 win for 'Green Bones': 'Importante, matuto 'yung mga tao sa kuwento' Son of viral PUJ driver hired by DPWH after passing board exam GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Ipapalabas ang bagong rom-com film ni Jennylyn Mercado na 'Everything About My Wife,' kung saan makakasama niya ang kanyang asawang si Dennis Trillo at si Sam Milby, sa mga sinehan simula February 26.
Magbabalik-big screen ang Ultimate Star at Box Office Queen na si Jennylyn Mercado via rom-com film na Everything About My Wife na ipapalabas sa mga sinehan simula February 26.
Dito ay makakasama niya ang kanyang asawang si Dennis Trillo at si Sam Milby.
Marami na ang excited sa pagpapalabas ng bagong pelikula ni Jen na binansagang "RomCom Queen" dahil sa kanyang successful romantic comedy projects sa big screen at telebisyon.
"RomCom Queen is back!," komento ng isang netizen tungkol sa bagong rom-com film ni Jen.
Matatandaang dalawang beses na kinilala bilang Best Actress si Jen sa prestihiyosong Metro Manila Film Festival (MMFF) para sa pelikulang English Only, Please (2014) at Walang Forever (2015).
Lalo pang na-excite ang netizens dahil makakatambal ni Jen sa Everything About My Wife ang mister niyang si Dennis na fresh sa kanyang pagkapanalo bilang Best Actor sa 50th MMFF para sa pelikulang Green Bones. Ito ang unang beses nilang magbibida sa pelikula bilang married couple.
Sabi ng isang commenter, siguradong "riot" ang tambalang Jennylyn at Dennis sa big screen.
Samantala, reunion naman ang Everything About My Wife para kina Jennylyn at Sam na unang nagkatrabaho sa The Prenup (2015).
Mula sa direksyon ni Real S. Florido, ang Everything About My Wife ay Philippine adaptation ng Argentinian movie na Un novio para mi mujer (A Boyfriend for My Wife).
Collaboration ito ng CreaZion Studios at GMA Pictures, kasama ang Glimmer Studio.
