Around GMA

Article Inside Page

Labis na naapektuhan ang Swedish photographer na si Pernilla Sjoö sa naging isyu nina Andi Eigenmann at Philmar Alipayo.

Nasama siya sa awayan ng dalawa nang maglabas si Andi ng cryptic messages at screenshots tungkol sa matching tattoo ng kanyang fiance at ni Pernilla. Marami ang nagalit sa photographer at labis binash ito online matapos lumutang ang kanyang pangalan sa nasabing isyu.

Hindi rin maiwasang matakot si Pernilla na lumabas ng kanyang bahay at dine-activate ang kanyang social media sa sobrang daming hate comments ng netizens.

Sa isang panayam kasama si Ogie Diaz, nagsalita na si Derek Ramsay para ipagtanggol ang kanyang kaibigan.

Ayon kay Derek, hindi totoo na iniiwasan ni Pernilla si Andi. Sa katunayan, nais rin ni Pernilla na kausapin si Andi ng masinsinan.

"The truth is I think after the tattoo, there was a text from Andi saying 'Wah.' I think she made an attempt or she texted. Pern was busy working. Pern replied the following day, 'Hey. Let's talk.' Ayaw na [ni Andi]. She reached out again, 'I'm willing to talk.' Wala na talagang sagot,' kuwento ni Derek. "[Andi] reached out but it wasn't a reach out na, 'Hey we need to talk' or 'Hey what the hell?' She didn't mention anything. Siargao is a small place. If you want to talk to her, then why didn't you go to her house with your husband?"

Naunawaan daw ni Pernilla ang kanyang pagkakamali dahil sa culture difference nito bilang isang foreigner.

Nilinaw rin niya na si Pernilla mismo ang kumausap kay Philmar para ayusin ang isyu. "Siya pa 'yung humingi kay Philmar, 'Please, you need to make a statement about this.' Imagine mo! Your so-called bestfriend, siya pa! 'Yung babae nag-reach out sa'yo, Philmar, para magkaroon ng statement. Ano'ng sinabi mo? 'I know' Iyon lang? And then ang sasabihin mo is, 'Okay na kami. This should all have been handled in private. Sana okay na rin kayo'? Wow! Inumpisahan n'yo ito tapos biglang ganoon na lang?" ani Derek.

Klaro naman ng aktor na hindi niya alam ang buong detalye tungkol sa pahayag ni Andi na si Pernilla raw ang nagsasabing maghiwalay na lang ang engaged couple.

Pero paliwanag niya, "Don't know the situation but let us put it this way. Kung ang lalaki, takbo ng takbo. Kunwari ako if I keep running to my best friend, guy or girl, and I keep telling my guy friend or my girlfriend, 'Ayoko na. Sobrang masama na. Ayoko na, ayoko na. Tapos na ito...' Paulit-ulit na lang. It's a vicious cycle. Away, bati, away, bati, away, bati. Ikaw, ano sasabihin mo na sa kaibigan mo?"

"Kung ayaw mo, kung toxic na, e di tapusin mo na," dagdag ni Derek.

Sa panayam, hindi pa rin daw nakakausap ni Derek ng harap-harapan ang Swedish photographer dahil nagkulong na lang daw ito sa kwarto.

Nais sana ni Derek na ayusin na ni Philmar ang sitwasyon, lalo na ang surfer raw ang may kasalanan sa lahat ng nangyari.

Samantala, balikan ang pahayag nina Andi Eigenmann at Philmar Alipayo tungkol sa kanilang balitang hiwalayan: