Ruru Madrid sa issue na kinasangkutan ni Bianca Umali: 'She sets the standard'
Around GMA
Around GMA
Donnalyn Bartolome, magpapaalam na sa vlogging: 'That is my gift to myself' DTI: Damaged roads in Davao Occ. taking heavy toll on MSMEs A cake for pet dogs? Chef RV shares new recipeArticle Inside Page
Showbiz News
"Parang nag-set siya ng standard sa lahat ng mga aktors na natatakot sumagot sa mga ganung klaseng tanong," saad ni Ruru Madrid tungkol sa kanyang girlfriend na si Bianca Umali.
Suportado ni primetime action hero Ruru Madrid ang kanyang nobyang si Bianca Umali sa kinasangkutan nitong issue noong nakaraang linggo dahil sa pelikula niyang Mananambal.
Naging usap-usapan sa social media sites ang tanong ng isang entertainment editor tungkol sa billing ng nasabing pelikula kung saan nakasama ni Bianca si Nora Aunor.
"Sabi ko nga, parang nag-set siya ng standard sa lahat ng mga aktors na natatakot sumagot sa mga ganung klaseng tanong," saad ni Ruru sa 24 Oras.
"Basta naman totoo ang sinasabi mo, at hindi ka nagsisinungaling, bakit ka naman matatakot, 'di ba? Yes, [she handled it very well], and very respectful as well,” dagdag pa niya.
"'Yun 'yung sobrang napa-proud ako sa kanya."
Panoorin ang report ni Aubrey Carampel sa 24 Oras DITO:
Nagsimula ang issue ng billing ng Mananambal sa press conference ng pelikula nang tanungin ng entertainment editor na si Jun Lalin ang direktor nitong si Adolf Alix, Jr. kung totoo na gusto ng kampo ni Bianca nang mas malaking lugar sa poster.
Bago makasagot si Direk Adolf, nagpaalam muna si Bianca na kung pwede ay siya ang sumagot ng tanong.
Pahayag ni Bianca, “I am shocked by the question po, 'no? But I would like to handle it as professionally as possible. I believe po that the question is inappropriate for the event.
“Also, hindi ko po alam kung ano ang mararamdaman ko because that is… I do not have any idea about that and I am worried about how people in this room might take it, hearing it from a representative from the press.”
Dagdag ni Bianca, never na naging issue sa kanya ang billing ng pelikula dahil malaking oportunidad na sa kanya ang makatrabaho ang National Artist for Film and Broadcast Arts na si Nora.
Dugtong ni Bianca, “Pasensya na po. I would like to just clarify also that the opportunity to work with the Superstar, with our National Artist is already a blessing. And it is an opportunity that I already knew na hindi ko palalagpasin.
“Being with her on the set was a masterclass for me. It was a dream that I never thought I would achieve this early in my career. Kaya po, 'yung makasama si Nora, that's already enough.”
Panoorin ang video rito:
Mapapanood ang Mananambal sa mga sinehan simula February 19.
RELATED GALLERY: 'Mananambal' actors on working with Superstar Nora Aunor
