Marian Rivera, ang bet sa beatbox
Published On: October 23, 2014, 07:09 PM
Updated On: April 14, 2020, 08:49 AM
By MARY LOUISE LIGUNAS
PHOTO BY BOCHIC ESTRADA, GMANetwork.com
Hindi mapagkakaila na si Marian Rivera ay isa sa pinakahinahangaang artista ngayon.
Bukod sa pagiging mahusay na aktres, endorser ng iba’t-ibang produkto at natural na magaling na mananayaw, may nakakabilib din pala siyang kakayahan sa pag-beatbox.
Pinakita ito ng Kapuso Primetime Queen nang siya’y pumunta sa Cagayan De Oro para maging isa sa mga hurado ng North Mindanao Regional Showdown ng Bet ng Bayan.
Siya’y naging saksi sa husay at talento ng mga taga-Iligan City, Cagayan De Oro at Lanao Del Norte kaya’t ganado at excited siyang nag-judge ng mga Bet sa Kantahan, Bet sa Sayawan at Bet na Kakaibang Talento.
Kasama rin niya ang world-renowned singer na si Kuh Ledesma at ang batikang composer na si Louie Ocampo.
Mapapanood ang kakaiba at masayang regional showdown sa Bet ng Bayan ngayong Linggo, 9:40 ng gabi, pagkatapos ng Kapuso Mo Jessica Soho.