Around GMA

Article Inside Page

Labis ang suporta ng Sparkle star na si Benjamin Alves sa Kapuso housemate na si Charlie Fleming.

Sa kanyang Instagram story, ibinahagi ni Benjamin kung gaano siya ka-proud sa Sparkle teen na kabilang ngayon sa tinatangkilik na Pinoy Big Brother Celebrity Collab Edition.

"So happy to see all the great reactions to Charlie Fleming on PBB. Definitely a great kid, and an upcoming actress to be reckoned with," sinabi niya.

Nakasama noon ni Benjamin si Charlie sa mystery-drama series na Widows' War. Ginampanan niya ang karakter na si Basil Palacios, ang nakatatandang half-brother ni Sofia (Charlie). Dahil dito, mas lalong ipinagmamalaki ni Benjamin ang husay na ipinapakita ngayon ng aktres sa loob ng Bahay ni Kuya.

"She really matured in her craft while playing Sofia during Widows' War," dagdag pa niya.

Photo by: benxalves IG

Bukod sa netizens, marami ring housemates ang bumilib kay Charlie sa loob ng PBB House. Dahil sa kanyang ipinapakitang ugali at dedikasyon, ibinigay sa kanya ng Kapamilya housemates ang immunity medal. Ligtas si Charlie at ang kanyang partner na si Bianca De Vera sa unang nomination night.

Samantala, kasalukuyang abala si Benjamin Alves sa kanyang bagong historical biographical film na Quezon.

Makakasama niya rito ang iba pang bigating artista tulad nina Jericho Rosales, Therese Malvar, Mon Confiado, Arron Villaflor, at Game of Thrones star Iain Glen.

Kilalanin ang iba pang housemates sa Pinoy Big Brother Celebrity Collab Edition, dito: