Naging matunog ang pangalan ng celebrities na ito matapos ianunsiyo ang GMA Network at SBS Korea co-production ng 'Running Man Philippines.'
February 11 nang ianunsiyo ang pagsasanib puwersa ng GMA Network at SBS Korea para sa co-production ng Running Man Philippines. Excited namang ibinahagi ng fans ng show ang mga artistang nais nilang maging bahagi ng show.
Maari daw maging leader ng grupo si Kapuso comedian Michael V.
Madadala naman daw ni Jose Manalo ang kanyang kakaibang charisma sa show.
Si Wally Bayola raw ang sagot sa mga physical comedy at gags.
Para naman sa mga mabilis na hirit, si Paolo Ballesteros ang kanilang choice.
Walang arte sa katawan si Maine Mendoza kaya bagay siya sa show.
Si Paolo Contis daw ang maaaring magsilbing "muscle" ng grupo.
Bagay din daw si Valeen Montenegro sa show dahil siya ay pinaghalong funny and pretty.
Malakas ang katawan at fit para maglaro ng mahihirap na games si Jak Roberto.
Hindi takot mawalan ng poise si Sanya Lopez kaya siguradong makakasabay siya sa mga laro.
Sanay naman sa iba't ibang games at challenges si Boobay kaya magiging useful siya sa grupo.
Bukod sa pagiging komedyante, competitive din sa games si Chariz Solomon.
Dahil magaling sa action scenes si Kylie Padilla, siguradong kayang-kaya din niya ang mga physical games ng show.
Millenial humor naman ang maaaring ihatid ni Sef Cadayona kung mapabilang siya sa cast ng show.
Sa ngayon, wala pang opisyal na anunsiyo ng cast at iba pang detalye para sa Running Man Philippines. Sino pang ibang artista na nais niyong makita sa show?