Anu-ano at sinu-sino nga ba ang dapat mong abangan sa pagsisimula ng 'Ilaban Natin 'Yan' sa Sabado, Pebrero 22? Tingnan dito:
Simula ngayong Sabado, Pebrero 22, ang Ate ng Bayan na si Vicky Morales, diringgin ang mga problemang idudulog sa kanilang modern jeep na tatawaging Palaban Express.
Paghaharapin ng Ate ng Bayan na si Vicky Morales ang nagrereklamo at ang inirereklamo para mapakinggan ang lahat ng panig.
May iba't-ibang celebrities rin na magiging co-host si Vicky at tatawaging silang Kalkalera. Ang unang guest Kalkalera sa pilot episode ay si Cai Cortez.
Ang guest Kalkalera ang pupunta sa mga inirereklamo.
Aalamin ng Kalkalera kung ano ang paliwanag o punto de vista ng inirereklamo.
Laging nakabantay sina Cardo at Gardo para maiwasan ang anumang pisikalang maaaring maganap sa mga komprontasyon.
May pagsasadula para sa bawat tampok na kuwento sa 'Ilaban Natin 'Yan.' At para sa pilot episode, ang mga Kapuso actors na sina Thea Tolentino, Anjo Damiles, Faye Lorenzo, Kevin Sagra, at Cannes Film Festival Best Actress Jaclyn Jose ang magsasadula ng tampok na istorya.
Sa behind-the-scenes photos, kitang-kitang in character si Kapuso actress Thea Tolentino.
Isa ito sa mga emosyonal na eksena nina Thea Tolentino at Jaclyn Jose.
Ang staff and crew ng 'Ilaban Natin 'Yan' ay pinangungunahan nina Direk Monti Parungao, Program Manager Mychal Feraren, at Executive Producer Robert Oriondo.