Raymart Santiago wishes to have second chance with mom
Published On: October 29, 2014, 08:31 PM
Updated On: March 17, 2020, 07:39 PM
By MICHELLE CALIGAN
PHOTO BY BOCHIC ESTRADA, GMANetwork.com
Pagkatapos gampanan ang role na Felix sa Villa Quintana, balik primetime si Raymart Santiago sa upcoming teleserye na Second Chances.
Lahat ng tauhan sa kuwento ng naturang programa ay naghahangad ng pangalawang pagkakataon sa buhay, kaya tinanong namin ang aktor kung mayroon bang pangyayari na nais niyang magkaroon siya ng second chance.
"Siguro sa pinagdaanan ko rin ngayon, sa mommy ko. Sana nagkaroon ako ng chance na mas nakapag-spend ng time sa kanya. That's why I am very saddened ng pagkamatay niya," he says.
Pumanaw noong September 26 ang kanyang inang si Cielito Legaspi-Santiago, na mas kilala sa showbiz bilang Mama Ling.
Pagpatuloy pa ng aktor, "So if given a second chance siguro, [I'd] spend more time [with her] kasi hiwa-hiwalay na rin kami."
Nang tanungin namin si Raymart kung naniniwala ba siya sa second chances, ito ang kanyang naging pahayag.
"Depende naman din eh. Depende sa sitwasyon, depende kung ano ang second chance na 'yun. It might be love life, sa work. At kung bibigyan ka naman ng second chance, if ever, ay sana ayusin mo na 'yung susunod. Kung napagsisihan mo 'yung pagkawala ng bagay na 'yun noong una at binigay ulit sa 'yo, pangalagaan mo na."
Abangan si Raymart Santiago sa Second Chances, this November on GMA Telebabad.