Around GMA

Article Inside Page

Sa kauna-unahang pagkakataon, ipinakita na ng new-gen Sang'gre na si Kelvin Miranda kasama ng ilan pang mga bagong character sa Encantadia Chronicles: Sang'gre ang kanilang full costume sa naganap na UNSKIPPABLE: YouTube in the New Era of PH Media event noong April 24.

Humarap sa nasabing event si Kelvin suot ang costume ni Sang'gre Adamus, ang bagong tagapangalaga ng Brilyante ng Tubig.

Kasama ng aktor na nagpakilala sa event ang Sang'gre co-stars na sina Gabby Eigenmann at Jon Lucas na naka-warrior costume, maging ang Gueco twins na sina Vito at Kiel, Therese Malvar, at ang minahal na Encantadia character na si Imaw.

"Siyempre, excited na rin kaming lahat na mapakita kung ano ba talaga 'yung nilalaman ng Encantadia," sabi ni Kelvin sa interview kay Aubrey Carampel ng 24 Oras.

Dagdag ni Gabby, "Actually, we're all excited to showcase what's in store in 2025, especially for Encantadia Chronicles: Sang'gre."

Ipinarating naman ni Jon Lucas kung gaano siya kasaya nang ilabas na ang teaser ng Encantadia Chronicles: Sang'gre. Kuwento niya, "Ito na 'yung resulta ng mga hirap at pagtitiyaga ng lahat. Nu'ng lumabas 'yung teaser sobrang nakakatuwa, nagbunga talaga, may magandang resulta."

Makakasama ni Kelvin na bibida sa Encantadia Chronicles: Sang'gre ang iba pang new-gen Sang'gres sina Bianca Umali bilang Terra, Faith Da Silva bilang Flamarra, at Angel Guardian bilang Deia.

Kasama sina Glaiza de Castro bilang Pirena at Rhian Ramos bilang ang ice queen na si Mitena.

Abangan ang Encantadia Chronicles: Sang'gre soon sa GMA Prime.

Panoorin ang teaser ng Encantadia Chronicles: Sang'gre sa video na ito:

SAMANTALA, TINGNAN ANG MGA EKSENANG IPINASILIP SA BAGONG TEASER NG ENCANTADIA CHRONICLES: SANG'GRE SA GALLERY NA ITO: