Around GMA

Article Inside Page

Matapos lumabas sa Bahay Ni Kuya, maraming ibinunyag ang Kapuso houseguest na si David Licauco tungkol sa kaniyang Pinoy Big Brother journey.

Related gallery: Celebrity houseguests sa 'Pinoy Big Brother Celebrity Collab Edition'

Sa latest post ni David sa kaniyang Facebook page, inilahad niya na noong 2015 ay pumila siya para mag-audition sa naturang programa.

Unang mababasa sa caption ng kaniyang post, “Wow, crazy to think I once lined up for PBB auditions in 2015 and years later, I got to be a houseguest.”

Kasunod nito, ikinuwento niyang marami siyang natutuhan sa loob ng Bahay Ni Kuya at inilarawan niya pa na tila may magic sa iconic house.

Ayon kay David, “It was different from what I imagined. May magic talaga sa loob ng Bahay Ni Kuya. I may have been quiet, but I learned a lot about myself. Truth is, no one really knows what it's like inside unless you've lived it.”

Parte rin ng post ang pasasalamat ng Sparkle actor sa kaniyang fans, supporters, viewers, at pati na rin sa celebrity housemates.

“To everyone who supported, Thank you. (Sa mga naboringan sa akin, sorry na po). And to the housemates, Thank you for the warm welcome, solid convos, and siyempre the best food: Ate Klang's ulam, Ralph's rice, and Esnyr's ice cream,” sulat niya.

“Fun fact: I was actually considered to be a housemate earlier this year,” pahabol na revelation ng Kapuso actor.

Matatandaang pumasok ang Pambansang Ginoo na si David bilang houseguest sa Bahay Ni Kuya noong May 4.

Mapapanood ang Pinoy Big Brother Celebrity Collab Edition, weekdays 10:05 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.

Maaari ring silipin ang mga kaganapan ngayon sa loob ng Big Brother house sa All-Access Livestream ng programa.

Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.