Around GMA

Article Inside Page

Pagkatapos ng kanilang hit primetime series na Mga Batang Riles, mapapanood naman sa weekend school drama na MAKA sina Anton Vinzon at Raheel Bhyria.

Bilang mga bagong adisyon sa programa, gaganap sila bilang tranfer students sa Douglas MacArthur High School.

"Ako, honestly, hindi ko in-expect. Sobrang grateful ako [na] nandito ako ngayon, lalo na kasma ko 'to, si Anton. 'Tapos si Zephanie nandito, si Shan. Nandoon sila Ashley, lahat. Kasi new friends and newfound family kaya sobrang nagpapasalamat ako sa MAKA na tinaggap po nila 'ko ng buong buo," pahayag ni Raheel.

Ganito rin daw ang naramdaman ni Anton.

"Palagi kong tinatanong kung kumusta 'yung MAKA kasi naiingit ako, 'yung friendship nila," lahad niya.

Hind naman napigilan ni Raheel na tuksuhin ang kaibigan at co-star.

"So, hindi ka kuntento sa friendshiop natin sa MBR? Wala ka pala, e. Grabe 'to," hirit niya.

Agad namang sumagot si Anton sa biro niya.

"Hindi! Let me explain! Iba 'yung friendship ng MAKA, iba rin 'yung friendship ng MBR. Gusto ko mapunta rin sa MAKA. Gusto ko ma-experience ko rin 'yung friendship nila," aniya.

View this post on Instagram

A post shared by MAKA Barkada (@makabarkada.official)

Bukod kina Anton at Raheel, kabilang din sa bagong bahagi ng cast si Sparkle Campus Cutie 2025 winner Mad Ramos.

Ito ang unang project niya matapos ang panalao at gaganap din bilang isang transfer student sa MAKA.

"I feel so blessed. Hindi ko rin talaga 'to inexpect. Kabaligtad naman nila, these are my new friends. Hindi ko pa sila nakaka-work and this is my first taping show so I'm excited," paliwanag ni Mad.

Related gallery: Meet Mad Ramos, Sparkle's first-ever Campus Cutie

Mapapanood ang youth-oriented series na MAKA: Next Chapter tuwing Sabado, 4:45 p.m. sa GMA.

Panoorin din ang buong panayam ni Nelson Canlas kina Anton, Raheel at Mad para sa 24 Oras sa video sa itaas.