Ano ang wish ni Christian Bautista para kay Iya Villania?
Published On: November 21, 2014, 05:59 PM
Updated On: February 26, 2020, 12:36 PM
By ANN CHARMAINE AQUINO
PHOTO BY ELISA AQUINO, GMANetwork.com
Bilang nagkasama na si Iya Villania at Christian Bautista sa ilang programa at isa rin ito sa mga matalik niyang kaibigan sa industriya, ano kaya ang masasabi ng Asia's Romantic Balladeer nang lumipat ang aktres sa Kapuso network?
"I'm happy that she's here and she's been a good friend dati pa talaga," pahayag ni Christian.
Napabalita rin na kinabahan si Iya sa kanyang kauna-unahang performance sa Sunday All Stars, ngunit tinulungan siya ni Christian na maging at ease sa kanyang performance.
Aniya, "Noong sasayaw nga siya, she was very nervous daw. I said don't worry because people here are very loving."
Naging vocal din si Christian na gusto niyang magkaroon ng maraming production numbers with Iya sa kanilang programa. Ikinuwento rin niya na hindi siya sigurado kung magiging mainstay si Iya sa Sunday All Stars, pero looking forward ito na laging makasama ang kanyang kaibigan.
"I would love her to be a mainstay. Sana," pagtatapos nito.