Christian Bautista, nadadala ang pagiging kuya sa 'Strawberry Lane?'

By AL KENDRICK NOGUERA

 

Bukod sa singing and hosting, napapanood na rin natin si Christian Bautista sa mga teleserye. Heavy drama ang pinasok ng aktor ngayon dahil seryoso ang kanyang character sa Strawberry Lane.

 

Isang taon ang hinintay ni Christian bago masundan ang kanyang light drama show na With A Smile. “Medyo hinahasa ulit 'yung drama. Nakaka-miss din dahil masaya sa set,” pahayag ng aktor.

 

Ayon kay Christian, marami silang differences ng kanyang character sa Telebabad soap. Pero ayon sa singer-actor, mayroon daw ilang malapit na characteristics si Richard sa kanya in real life.

 

Isa na raw rito ang pagiging pasaway. “Si Richard, before medyo bad boy siya. So ako ewan ko, hindi ko naman na-experience 'yung total bad boy, medyo lang,” pag-amin ng Strawberry Lane star.

 

Pero ayon kay Christian, kahit pasaway siya minsan ay binabawi niya naman daw ito tulad ng ginagawa ngayon ng character ni Richard sa Strawberry Lane. “He [Richard] is now a peacemaker. So 'yon, medyo nakaka-relate ako kasi I wanna be the peacemaker all the time. I always want peace within the family,” ani Christian.

 

Sa differences naman, malaking adjustment ang ginagawa ni Christian. Kung sa totoong buhay ay panganay siya sa dalawang lalaking kapatid, kabaligtaran si Richard dahil bunso siya sa dalawa niyang ate. Hindi niya tuloy maiwasang magpaka-kuya sa cast.

 

“So that's an adjustment kasi parang I had to adjust na okay I have to respect them kasi they're my ate. I need to tone down my kuya figure. Minsan kasi [ay] very strict ako and precise because I'm a kuya in real life. So I had to take it down a little bit,” bahagi ni Christian.