Vic Sotto, DongYan at ilang programa ng GMA at GMA News TV, pinarangalan ng Anak TV Awards

By CHERRY SUN

Muling kinilala ng Anak TV Awards ang ilang personalidad at programa ng GMA at GMA News TV.

Pinarangalan ng Makabata Award sina Bossing Vic Sotto, Dingdong Dantes at Marian Rivera. Ito ang ikalawang sunod na pagkakataon na nakatanggap ng parangal ang Kapuso Primetime Royal Couple.

Pahayag ni Marian sa 24 Oras, “Ito’y isang magiging magandang ehemplo para sa amin, para maging huwaran kami ng mga kabataan, mabigyan sila ng inspirasyon.”

“Malaking bagay talaga para sa amin ang parating ikino-consider at ilinalagay sa importansya ‘yung kapakanan at kahalagahan ng kabataan especially ‘yung audience natin. That’s why we always make an extra effort to strive to become more responsible as we are already in media,” dagdag ni Dingdong.

Pinarangalan din ng Anak TV seals ang mga Kapuso program na Aha!, Del Monte Kitchenomics, iBilib, Kaps Amazing Stories, Kapuso Mo, Jessica Soho, Kusina Master, Let’s Fiesta, Pepito Manaloto, Picture! Picture!, Pinoy MD, Sarap Diva, Tropang Potchi, Wish Ko Lang, Ang Pinaka, Born To Be Wild, Good News, Idol Sa Kusina, I Juander, at Taste Buddies.

Ayon sa ulat ni Cata Tibayan, ang Anak TV Awards ay ibinibigay sa mga personalidad o programa na sa pananaw ng kabataan ay child-sensitive.