Alden Richards, handang gumawa ng mature project with Regine Velasquez
Published On: December 17, 2014, 03:35 PM
Updated On: February 19, 2020, 09:00 AM
By AEDRIANNE ACAR & MERYL LIGUNAS
PHOTO BY ELISA AQUINO, GMANetwork.com
Umamin ang Kapuso drama actor na si Alden Richards na may "ilang" factor siya sa co-host niyang si Regine Velasquez-Alcasid sa Bet ng Bayan.
Ayon kay Alden, beteranong host na ang Asia's Songbird. Hindi lang ng mga talk shows kundi pati rin ng mga talent search competitions. Kaya kahit papaano ay na-intimidate siya rito.
Ani Alden, “Siyempre noong una, may ilang kasi Ms. Regine is Ms. Regine. Kumbaga, kung meron akong hihingan [ng advice], si Ms. Reg po 'yun when it comes to hosting.”
Pero napawi raw ang lahat ng kanyang agam-agam dahil napaka-supportive ng Kapuso diva sa kanya. Mas naging madali raw ang pagiging host ng pinakamalaking talent search competition ng GMA-7 with the help of Ms. Regine.
“Pero kumbaga, tinutulungan po ako ni Ms. Reg in a way na hindi niya na kailangan ituro sa akin kundi pinapakita na lang po niya. Binubuksan niya po 'yung pinto, papasok na lang ako. Parang ganun po, the way we work together. So I'm very thankful na Ms. Regine is making everything so easy for me.”
Sa tanong na kung handa ba siya makipagsabayan with the Songbird sa isang mature project?
Sagot niya, “Yes. Kasi 'pag gumawa naman ng project trabaho lang naman po. Nothing will go to the personal level as long as it's a good project. Hindi naman po kabastos bastos.”