Solenn Heussaff, hindi pa sigurado kung kailan ikakasal
Published On: January 23, 2015, 04:42 PM
Updated On: February 25, 2020, 03:10 AM
By CHERRY SUN
PHOTO BY BOCHIC ESTRADA, GMANetwork.com
“Quiet for sure, simple I don’t know.”
Ito ang mariing pahayag ng Kapuso ‘it girl’ na si Solenn Heussaff sa 24 Oras nang siya ay tanungin tungkol sa pagpapakasal nila ng kanyang Argentinian fiancé na si Nico Bolzico.
Sigurado man ang aktres at Taste Buddies host na gusto niya ng isang pribadong wedding, hindi pa rin niya matiyak kung kailan ito gaganapin.
Saad niya, “Baka 2018. Malayo. I don’t want anything out there, but not near, not anytime soon.”
Ayon kay Solenn, hindi pa sila nagsisimulang magplano ni Nico. Mas excited pa raw siya ngayon para sa nalalapit na kasal nina Heart Evangelista at Senator Chiz Escudero kung saan siya ay isa sa mga bridesmaids.
“I’ve never been also to Balesin so sobrang excited ako para makita ko ‘yung Balesin, ‘yung magic doon. Tapos very intimate ‘yung wedding niya kasi I think 150 kami. The island can hold so many people lang, siyempre,” kuwento niya.
“I think it’s gonna be a very emotional ceremony,” dagdag ni Solenn.