Nitong October 25 at 26, nagsama sama ang cast ng 'The Lost Recipe' para maghanda sa kanilang nalalapit na taping.
Ang cast ay sumabak sa isang kitchen workshop para magampanan nila ang kani-kanilang mga roles sa 'The Lost Recipe.' Ang mga artistang sumailalim sa training ay sina Kelvin Miranda, Mikee Quintos, Thea Tolentino, Paul Salas, Phytos Ramirez, Prince Clemente, Faye Lorenzo, at Crystal Paras. Ang cast ay nagsanay sa tulong ni Chef Anton Amoncio na isa rin sa mga cast at consultant ng 'The Lost Recipe.'
Sa two-day kitchen workshop ay pinag-aralan ng cast ang iba't ibang kitchen terminologies, safety and sanitation, pati na rin ang kitchen etiquette. Nag-aral rin sila ng knife skills at sumailalim sa cooking demo.
Silipin ang naganap na training para sa 'The Lost Recipe.'
Nagsimula na ang paghahanda ng cast ng 'The Lost Recipe'
Ang cast ay sumailalim sa 2-day training module ni Chef Anton Amoncio sa Center for Culinary Arts (CCA).
Nagsanay sila sa isang lecture room para pag-aralan ang kitchen terminologies, safety and sanitation, at etiquette bago sumalang sa laboratory.
Ready na ang lead actress na si Mikee Quintos sa kanyang training.
Handa na rin si Kelvin Miranda na ipakita ang kanyang galing sa kitchen.
Ilan sa kanilang pinag-aralan sa workshop ay knife techniques.
Itinuro sa cast ang iba't ibang kaalaman sa paggamit ng knife tulad ng proper use, sharpening, honing, at iba pa.
Ipinakita ni Thea Tolentino ang kanyang natutunan sa workshop.
Game na game rin si Paul Salas sa kanyang pagpapakita ng kanyang kitchen skills.
Sina Phytos Ramirez at Prince Clemente na gaganap bilang mga chef ay naghahanda para sa kanilang role.
Isa rin si Faye Lorenzo sa mga chef na dapat abangan sa 'The Lost Recipe.'
Kaabang abang rin ang pagsabak ng 'StarStruck' Avenger na si Crystal Paras sa 'The Lost Recipe' bilang chef.
Ang mga natutunan ng cast ay galing mismo sa Food Hero Asia winner na si Chef Anton Amoncio.
Sa second day ay naghanda ang cast sa cooking demo ng chicken chasseur.
Inaral nila ang tamang paghahanda sa chicken, vegetables, paggawa ng chicken stock, at iba pa.
Abangan ang natutunang kitchen skills ng cast ng 'The Lost Recipe' soon sa GMA News TV.