Tom Rodriguez doesn't want to label his relationship with Carla Abellana
Published On: March 05, 2015, 12:59 PM
Updated On: June 07, 2020, 12:53 AM
By AEDRIANNE ACAR
Miss na ng Kapuso actor na si Tom Rodriguez ang dati niyang kapareha sa GMA Telebabad soap na My Destiny na si Carla Abellana.
Noong nakaraang buwan, naging maugong ang balita na official na silang mag-boyfriend at girlfriend, matapos maka-date ni Carla si Tom sa Balesin wedding nina Heart Evangelista at Senator Chiz Escudero noong February 15.
Sa panayam kay Tom ng 24 Oras, hindi direktang umamin ang Kapuso bachelor na kasintahan na niya ang mestiza beauty. Pero sinabi nito na masuwerte siya na palaging nandiyan ang Ismol Family actress.
Aniya, “Kung ano ‘yung mayroon kami, a label [will] give it injustice. Kaya ako ngayon, I’m very happy and I’m very lucky to have her in my life.”
Video courtesy of GMA News
Dagdag pa ni Tom, bitin daw ang pag-guest niya sa weekend family oriented show ni Carla na Ismol Family.
Hinahanap-hanap daw niya ‘yung mga bonding moments niya with Carla tuwing may project silang dalawa at looking forward daw siya parati na makatrabaho ang dalaga.
Saad ni Tom, “It’s really my pleasure to always be working with Carla. Nakaka-miss ‘yung ganun na makikita ko siya sa make-up table. It was like a reunion from different projects I have done kaya I enjoyed it so much.”