Rhian Ramos, handa na bang mawalan ng oras sa kanyang boyfriend?

By MICHELLE CALIGAN

PHOTO BY @whianwamos (IG) 

Kahit biglaan ang pagkakasali ni Rhian Ramos sa cast ng The Rich Man's Daughter, hindi alintana sa mukha ng aktres ang kaba sa muling pagkakaroon ng title role. Para sa kanya, mas nangingibabaw ang excitement na mapabilang sa isang malaking proyekto.

 

LOOK: Rhian Ramos is 'The Rich Man's Daughter'

 

"I feel that this is really a big blessing. It came as a surprise. God works in very mysterious ways," saad niya nang aming makapanayam sa pictorial ng naturang teleserye.

 

Bago raw niya nakumpirma na siya na ang gaganap sa role na Jade Tanchingco, na dapat ay bibigyang buhay ni Primetime Queen Marian Rivera, ay may ibang bagay siyang pinagkakaabalahan.

 

"Kapag nasa gitna ako ng soaps, I try to rest also as much as I can and have fun also, but I try to busy myself with other things. At that time, I was trying to put up a business, and talagang my head was there. And sa isang minute lang, biglang nagbago 'yun, and my priorities just flipped upside down. It shook me but in a really, really good way, so I really feel like it's just this big blessing that I just wasn't expecting."

 

Very supportive naman daw ang kanyang non-showbiz boyfriend na si Jason Choachuy, at napagsabihan na raw niya ito na mababawasan ang oras nila together.

 

"Napag-usapan namin. It was one of the first things that came to mind when I accepted the role. I pretty much, siguro in the same five minutes na in-accept ko 'yung role, nagsabi na rin ako sa mga important people in my life na 'Hey guys, I'm about to be really busy and I'm going to miss you a lot. Sorry but I have to focus.'"