Julie Anne San Jose, the next Lara Croft?
Published On: May 11, 2015, 08:43 PM
Updated On: February 24, 2020, 05:45 PM
By AEDRIANNE ACAR
PHOTO BY BOCHIC ESTRADA, GMANetwork.com
Handa na raw ang Pepito Manaloto actress na si Julie Anne San Jose na gumanap sa mga challenging roles bukod sa pa-tweetums na characters na ginawa niya
in the past.
Sa panayam sa kanya ng GMANetwork.com, sinabi ng multi-awarded singer na game siyang gumanap ng action role tulad ng kay Lara Croft o kaya isang mentally deranged character.
Saad ni Julie Anne, “Mala ano Angelina Jolie, Lara Croft or anything na action or siguro I wanna try ‘yung parang may something sa utak or crazy person an ill person ganun or something na may alter ego. Gusto ko ‘yung ganun para maiba naman 'di ba.”
Dagdag pa ng Kapuso singer, hindi raw siya matatakot tumanggap ng role kahit supporting cast tulad ng isang kontrabida.
Aniya, “And also bida-kontrabida, gusto ko mag-try mag-kontrabida just for once lang. Gusto ko lang ma-try, kung ano lang ‘yung feeling ganun.”