Hindi na lang sa social media nagbibigay kasiyahan ang ilan sa ating mga paboritong TikToker at vlogger dahil nabibigyan na rin sila ng pagkakataon na magbigay inspirasyon sa telebisyon, tulad na lamang sa kauna-unahang wish-granting program na 'Wish Ko Lang.'
Narito ang ilan sa mga kuwentong naitampok ng 'Wish Ko Lang' kasama ang ating mga paboritong social media star.
Gumanap si Sassa Gurl bilang isa sa mga kaibigan ni Manny (Ruru Madrid) na si Chikana sa "Sakripisyo" episode ng 'Wish Ko Lang' noong June 12, 2021.
Ang 19th anniversary episode ng 'Wish Ko Lang' na "To Love Again" ang unang TV appearance ng social media star na si Pipay, na inilabas noong July 31, 2021. Nakasama niya sa episode na ito sina Sanya Lopez, Rita Avila, Anjo Damiles, Arny Ross, at Yesh Burce.
Kabilang ang TikTokerist na si Jomar Yee sa cast ng "Babaeng Unggoy" episode ng 'Wish Ko Lang' na napanood noong August 14, 2021. Dito, nakasama niya sina Manilyn Reynes, Gladys Reyes, Tina Paner, Almira Muhlach, Anna Vicente, at Ahron Villena.
Noong November 27, 2021, napanood si 'Banana Queen' Joyce Glorioso a.k.a Joyang sa "Magkaibigan" episode ng 'Wish Ko Lang' bilang si Flora.
Kapwa napasama ang social media stars na sina Charlize Ruth at Limuel Huet sa Christmas special episode ng 'Wish Ko Lang' na "Ang Lihim ng Punerarya" noong December 11, 2021. Nakasama nila rito sina Kim Domingo, Lotlot De Leon, Adrian Alandy, at Chanel Latorre.
Napanood si Mr. Bernie Batin o mas kilala bilang Bernicular sa Christmas special episode ng 'Wish Ko Lang' na "Gayuma" kung saan nakasama niya sina Max Collins, Jak Roberto, Dave Bornea, Tanya Gomez, at Bench Hipolito, na inilabas noong December 25, 2021.
Napasama ang sexy social media star na si Trixie Lalaine Fabricante sa cast ng "Abuso" episode ng 'Wish Ko Lang' noong February 19, 2022. Dito, binigyang-buhay ni Trixie ang mapang-akit na karakter ni Nancy.
Gumanap si Ychan Laurenz sa "Kalbaryo" episode ng 'Wish Ko Lang' bilang si Cheska, ang matalik na kaibigan ni Miss Meggy (Nathan Lopez). Ito ang kauna-unahang TV role ng sikat na social media star na napanood noong April 2, 2022.
Gumanap bilang kasambahay si Maria Tiffany sa "Tuli" episode ng 'Wish Ko Lang' noong April 30, 2022. Nakasama niya sa episode na ito sina Clarence Delgado, Ashley Sarmiento, Lilet Esteban, Fatima Velasco, Raquel Monteza, JK Giducos, at Ronnie Lazaro.
Binigyang-buhay ni Christian Antolin sa "Buboy Aso" episode ng 'Wish Ko Lang' ang karakter ni Lydia, ang matalik na kaibigan ni Buboy na ginampanan ni Buboy Villar. Napanood ang episode na ito sa GMA noong May 7, 2022.
Noong May 14, 2022, napanood sina Queen Dura at Kyla Ruiz Garcia sa "Boso" episode ng 'Wish Ko Lang' kung saan nakasama nila sina Claire Castro, Mickey Ferriols, Allen Dizon, JC Tan, at Kim Perez.
Gumanap si Ivan Laurio sa "Battered Wife" episode ng 'Wish Ko Lang' bilang isa sa mga kaibigan ni Alma (Joy Ching). Nakasama niya sa episode na ito sina Jay Arcilla, Erin Ocampo, Kimson Tan, Kirst Viray, at Anthony Rosaldo, na inilabas noong June 11, 2022.
Noong June 18, 2022, napanood si Nena Reyes sa "Tsismis" episode ng 'Wish Ko Lang' bilang isa sa mga tsismosang kapitbahay ni Nida (Ara Mina). Dito, nakasama rin niya sina JC Parker, Sheree, Paolo Paraiso, Athena Madrid, at Pipay.