Louise delos Reyes, may madamdaming pahayag tungkol sa kanyang ina
Published On: May 28, 2015, 05:03 PM
Updated On: February 24, 2020, 12:45 AM
By CHERRY SUN
Tila binagabag ang pagkatao ni Louise delos Reyes nang kamakailan ay may ibang babaeng nagpakilala bilang kanyang tunay na ina.
Ngayon ay unti-unti nang nakaka-move on ang Kapuso actress mula sa kontrobersiyang ito. Samakatuwid ay nagsulat siya ng isang madamdaming mensahe para sa kanyang Mommy Elvie na nagdiwang ng kaarawan nito kahapon (May 27).
“Isa sa mga bagay na na-take for granted ko, na habang masaya ako sa mga maling desisyon ko, nahihirapan naman ang nanay ko. Pero tinanggap niya 'yun dahil mahal niya ako, mahal na mahal niya ako,” bahagi ng kanyang isinulat sa Instagram.
“Isang ina na gagawin ang lahat maprotektahan ang anak niya. Kaya ngayon, ako naman ang poprotekta sa kanya. Ngayon ako naman ang haharap sa laban para hindi masaktan ang nanay ko,” patuloy niya.
Sa hiwalay na panayam ng 24 Oras, ipinahayag din ni Louise kung gaano siya nagpapasalamat sa pagmamahal at pag-uunawa na ibinigay sa kanya ng kanyang ina.
Ayon din sa ulat ay babalik na raw si Louise sa paggawa ng indie film.
Aniya, “’Yung pagiging independent ko na nakaka-relate ako mismo. ‘Yun ‘yung masasarap kasi gawin na project, ‘yung nakaka-relate ka and at the same time, ni-re-relate mo sa mga tao ‘yung mga napapagdaanan [mo]. And ‘yung mga dumadaan sa ganung phase, parang makakaisip sila ng solution for themselves.”
Video courtesy of GMA News