Gabby Eigenmann, favorite Eigenmann ng GMA?
Published On: May 30, 2015, 12:33 PM
Updated On: March 19, 2020, 02:54 PM
By AL KENDRICK NOGUERA
Marami ang nakakapansin na hindi nawawalan ng show si Gabby Eigenmann sa Kapuso network. Dahil dito, may mga naglalabasang isyu na siya raw ang paboritong Eigenmann ng GMA.
Maraming Eigenmanns ang ngayo'y Kapuso tulad nina Ryan Eigenmann sa The Half Sisters, Gina Alajar bilang direktor ng Yagit at Gabby sa InstaDAD at Pari 'Koy.
Natawa lang si Gabby nang malamang mayroon issue tungkol sa kanya. Aniya, hindi niya sineseryoso ang ganitong bagay.
"Talaga? Wow. I don't want to claim it but I'm just happy because GMA has been really good to me," pahayag ni Gabby.
Pero biro ni Gabby, kung totoo man 'yon ay dahil daw ito sa kanyang working attitude.
"Lagi ko kasing sinasabi kahit sa mga baguhang artista na always have a good attitude with regards to your profession. Always be nice," saad ng InstaDAD star.
"Kasi ako, by nature, ma-chika akong tao eh. When I wake up in the morning and I go to the set, gusto ko positive lagi. And siguro, lahat ng production staff, hindi sila nahirapan to work with me," dagdag pa niya.
May ilang artista raw ang napapabalitang nagsusungit sa production staff pero naiintindihan naman daw ito ni Gabby. May mga pagkakataon daw kasing pagod lang sila kaya't wala sa mood. Ito raw ang iniiwasang mangyari ng aktor.
"Siyempre when you're tired, you're tired. But to me kasi, gusto mo 'yan eh. There's always time for you to rest. Kasi may iba na may time pa to go out after work," ani Gabbi.
Dagdag pa niya, "If you believe in your craft or in your work, kailangan passionate ka doon eh. Tipong pack up ka ng 3:00 a.m., imbes na gumimick ka pa, ipahinga mo na lang."
Gusto raw alagaan ni Gabby ang tiwalang ibinibigay ng GMA sa kanya. Aniya, "I don't want to say that I'm a workaholic but I'm just grabbing the opportunity na GMA trusts me so much."