KrisJoy, taglay ang perfect ingredient ng isang love team ayon kay Mickey Ferriols
Published On: June 02, 2015, 07:29 PM
Updated On: February 29, 2020, 07:20 AM
By AL KENDRICK NOGUERA
Maraming love teams ang ngayo'y mapapanood sa TV tulad ng BiGuel, GabRu, AnBie, RaStro, at KrisJoy. Lahat sila ay mayroon kanya-kanyang paraan para pakiligin ang kanilang fans.
Kuwento ni Healing Hearts star na si Mickey Ferriols, hindi pa niya nakakatrabaho ang lahat ng Kapuso love teams. Pero aniya, natutuwa raw siya sa tambalang Kristoffer Martin at Joyce Ching na kasama niya ngayon sa Afternoon Prime soap.
"The way I see it, ang ganda-ganda ng chemistry nila whether off-cam or oncam," pahayag ni Mickey.
Ani Mickey, magiging successful daw ang KrisJoy love team. Saad niya, "I think malayo ang mararating nitong love team na 'to kasi mayroon silang koneksyon. There's a connection and you can feel it."
Bukod pa rito, nakikita rin ni Mickey ang pagiging professional nina Kristoffer at Joyce. "Napaka-humble. They're very down-to-earth which is actually a good trait kung nagtatrabaho tayo rito sa industriya natin," saad niya.
Dagdag pa niya, "'Yang good manners, 'yang humility, it will take you far career-wise and that's what I see in them."
Taglay din daw ng KrisJoy ang perfect ingredient ng isang love team. "They look eager sa pagtatrabaho and seryoso sila sa craft nila. Pair it with their humility pa so I think it's the perfect ingredient for a very successful team up," pagtatapos ni Mickey.