Marami ang naiyak sa muling pagsasama nina Vic Sotto at Ice Seguerra sa stage matapos mag-guest ang 'Eat Bulaga' main host sa 35th anniversary concert ng kanyang itinuturing na anak-anak sa showbiz.
Ginanap ang concert na pinamagatang "Becoming Ice" sa The Theatre at Solaire sa Parañaque noong Sabado, October 15.
Kabilang din sa star-studded guests na nag-perform sa concert ni Ice ang mga bigating mang-aawit sa bansa na nina Martin Nievera at Regine Velasquez, at Gary Valenciano na nagkaroon ng special participation.
Present din sa 35th anniversary concert ni Ice ang iba pang OPM singers tulad nina Chito Miranda, Bayang Barrios, Cooky Chua, Lolita Carbon, Sitti Navarro, Juris Fernandez, at Princess Velasco.
Inabangan din ang paglabas ng 'Drag Race Philippines' contestants na sina Precious Paula Nicole, Marina Summers, Viñas DeLuxe, Eva Le Queen, Turing Quinto, at Brigiding.
Naging parte rin milestone concert ni Ice ang tatlong miyembro ng dance group na Manoeuvres na nina Joshua Zamora, Jon Supan, at Jason Zamora.
Tingnan ang highlights ng anniversary concert ni Ice dito:
Ipinagdiwang ni Ice Seguerra ang kanyang ika-35 taon sa industriya sa pamamagitan ng isang concert. Kabilang sa mga inawit ng singer-songwriter sa katatapos lang niyang show ang hit song niyang "Akala mo..."
Isa sa mga inabangan sa concert ang reunion nina 'Eat Bulaga' Dabarkad Vic Sotto at Ice. Sa videong ishinare ng misis ni Bossing na si Pauleen Luna, makikitang tila emosyonal ang dalawa nang awitin nila ang "Somewhere Out There." Sa noontime show nagsimula si Ice, o kilala dating Aiza Seguerra, nang sumali siya sa "Little Miss Philippines" segment ng 'Eat Bulaga' noong 1987.
Inamin naman ng Parokya Ni Edgar frontman na si Chito Miranda na kinabahan siyang mag-perform sa stage kasama si Ice. Gayunpaman, nag-enjoy naman ang bokalista sa kanilang jam sa pamamagitan ng pag-perform sa sikat na kanta ng Pinoy rock band na "Buloy" at kanta ng Eraserheads na "Alapaap."
Nagsama-sama naman ang female OPM singers na sina Sitti Navarro, Princess Velasco, at Juris Fernandez in one stage kasama si Ice.
Naka-duet naman ng Asia's Songbird na si Regine Velasquez si Ice sa kantang "Pangarap Ko Ay Ibigin Ka."
Bukod sa pagkanta, sumayaw rin si Ice kasama ang members ng '90s dance group na Manoeuvres na sina Joshua Zamora, Jon Supan, at Jason Zamora.
Present din sa espesyal na concert ang 'Drag Race Philippines' contestants na sina Precious Paula Nicole, Marina Summers, Viñas DeLuxe, Eva Le Queen, Turing Quinto, at Brigiding para magbigay-pugay sa direktor ng "Untucked" series ng reality TV competition.