Ang Sparkada member na si Jeff Moses ang isa sa Sparkle stars na sinusubaybayan ngayon ng mga Kapuso sa mundo ng show business.
Kasalukuyan siyang napapanood sa inspirational-medical drama series na Abot Kamay Na Pangarap, ang seryeng pinagbibidahan nina Jillian Ward at Carmina Villarroel.
Sa seryeng ito, labis na kinakikiligan ng mga manonood ang karakter ni Jeff bilang si Reagan, ang admirer ng genius at pinakabatang doktor na si Analyn, ang role ni Jillian sa programa.
Sa online mediacon para sa Sparkada na ginanap noong June 23, ibinahagi ni Jeff na gusto niyang sundan ang yapak ng Start-Up PH lead actor na si Alden Richards sa showbiz career nito.
Pahayag niya, "Isa siya sa mga pinaka-idol ko sa GMA, and I'm looking forward din po na makatrabaho siya soon.”
Mas kilalanin pa ang pinakabagong Kapuso leading man sa gallery na ito.
Ang 22-year-old actor na si Jeff Moses ay ipinanganak noong April 1, 2000.
"Pinoy Bae" ang tawag ng netizens kay Jeff Moses.
Ilan sa mga makikita sa kaniyang Instagram posts ay ang kaniyang shirtless photos.
Sa isang interview, ibinahagi ni Jeff Moses na ang Sparkle artist at anak ni Wendell Ramos na si Saviour ang kauna-unahang naging kaibigan niya sa mundo ng showbiz.
Si Jeff ay isa ring dancer. Sa katunayan, una siyang nakilala ng netizens nang maging miyembro siya ng dance trio ng San Carlos City, Negros Occidental na San Carlos City Boys or SCC Boys.
Kakayanin n'yo bang makipagtitigan sa Kapuso hottie na ito?
Bukod sa pagiging aktor, isa ring TikTok star si Jeff Moses.
Sa kasalukuyan, mayroon na siyang mahigit 233,000 followers na naturang video-sharing app.
Base sa ilang larawan na makikita sa kaniyang Instagram account, isang nature lover si Jeff Moses.
Jeff Moses as Reagan Tibayan, ang bestfriend ni Dra. Analyn (Jillian Ward) at janitor sa APEX Medical Hospital na napapanood ngayon sa GMA inspirational-medical drama na 'Abot Kamay Na Pangarap.'