'Abangan nila ako sa 24 Oras' - Iya Villania
Published On: June 11, 2015, 02:12 PM
Updated On: February 19, 2020, 09:25 AM
By ANN CHARMAINE AQUINO
Sa darating na Lunes (June 15), official nang ipapakilala si Iya Villania sa 24 Oras bilang bagong host para sa Chika Minute.
"Abangan nila ako sa 24 Oras," proud na pahayag ng Kapuso actress at host.
"Abangan nila ang aking new hair, ano ba? Abangan lang nila 'yung mga, the fun that I'll be having on Chika Minute. I'm actually just looking forward to improving. I'm looking forward to learning more. And yeah, I'm just looking forward for having a good time with this new task." dagdag ni Iya.
Kuwento ni Iya, isang bagay lang ang kanyang naging adjustment mula sa Taste Buddies to Chika Minute.
"Ang adjustment eh ang aralin ang wikang Tagalog!" natatawang pahayag ni Iya.
Aniya, "I really have been working on my Tagalog na buti na lang din there's a show that I have to do voice-overs for na 'yung Tagalog niya, pang-news. So kahit papaano I feel na sobrang timing rin 'yung show na 'yun kasi I get to practice."
"Feeling ko it helped to prepare me for this," pagtatapos ni Iya.