Halos dalawang dekada na mula nang unang napakinggan ng publiko ng kanta ng Mayonnaise na "Jopay," na isa sa mga single ng kanilang self-titled debut album.
Dahil sa TikTok, muling sumikat ang "Jopay" nitong mga nakaraang buwan. Ngunit alam niyo ba kung sino ang inspirasyon nito? Siya ay walang iba kung hindi si Jopay Paguia-Zamora, na miyembro noon ng SexBomb Girls.
Sa isang panayam sa frontman ng Mayonnaise na si Monty Macalino, kinuwento niya kung paano niya naisulat ang kantang 'Jopay.' Ayon sa kanya, binuksan niya ang TV nang Holy Week at nakita niya si Jopay na umiiyak.
"Bakit kaya umiiyak 'to? 'Di ba sumasayaw lang 'to? Pumasok sa utak ko, ayoko siyang makitang umiyak, ayoko siyang makitang malungkot. So, gumawa ako ng kanta, ginawa ko talaga 'yung kanta specifically for Jopay ng SexBomb Dancers," pag-amin ni Monty sa isang video ng OG.
Bukod kay Jopay, ilang celebrities at personalidad na rin ang naging inspirasyon ng ilang mga kanta na talagang sumikat.
Kilalanin kung sinu-sino sila sa gallery na ito.
Taong 2004 nang ini-release ng Filipino alternative rock band na Mayonaise ang kanilang self-titled debut album kung saan kasama ang kanilang hit single na "Jopay." Dahil sa TikTok, muling sumikat ang 'Jopay' matapos ang 18 na taon.
Sa isang video interview, kinuwento ng frontman ng Mayonnaise na si Monty Macalino na ang inspirasyon ng "Jopay" ay walang iba kung hindi si Jopay Paguia-Zamora, na miyembro ng SexBomb Girls.
Bago matapos ang 2019, inilabas ng breakout star na si Matthaios ang kantang Catriona, na agad naging viral sa video-sharing app na TikTok.
Ang inspirasyon ng kanta ay walang iba kung hindi si Miss Universe 2018 Catriona Gray na bukod sa angking ganda ay marami din ang na-inspire dahil sa kanyang hard work at dedication sa pagtulong sa kapwa.
Taong 1995 nang inilabas ng Eraserheads ang kantang "Ang Huling El Bimbo," na parte ng kanilang studio album na 'Cutterpillow.'
Ayon sa isang video ng AdoboGeek, nanonood ang frontman ng Eraserheads na si Ely Buendia na mga pelikula na gawa ng Sampaguita Pictures noong bata pa siya, at ang kanyang kabataan ang naging inspirasyon ng 'Ang Huling El Bimbo.' Sa lyrics ng kanta ay nabanggit na kamukha ng babae sa kanta ang aktres na si Paraluman, isa sa mga aktres ng Sampaguita Pictures.
Ginamit din ng breakout artist na si Adie ang pangalang Paraluman sa titulo ng isa sa mga pinakaunang kanta, na ini-release noong 2021. Ngunit di tulad ng sa "Ang Huling El Bimbo," hindi ito patungkol sa dating beteranang aktres
Sa isang panayam, inamin ni Adie na ang inspirasyon sa pagsulat ng kantang 'Paraluman' ay si Angelina Cruz, isa sa mga anak ng aktres na si Sunshine Cruz.
Sino ba naman ang hindi mapapaindak sa kantang "Bongga Ka, 'Day"? Taong 1979 nang ini-release ng bandang Hotdog ang "Bongga Ka, 'Day" at simula noon ay marami na ang napapasayaw sa tunog nito.
Sa lyrics ng 'Bongga Ka, 'Day,' tatlong pangalan ang nabanggit at isa na rito ang world-renowed fashion designer na si Pitoy Moreno, na tinaguriang "The Fashion Czar of Asia." Dahil sa kanyang angking galing sa larangan ng pagdidisensyo ng mga damit, talagang naaayon ang paggamit sa pangalan ni Pitoy sa kanta dahil bongga siya sa naturang industriya.