Isa si Maria Milagros Sumayao Serna, o mas kilala bilang Snooky Serna, sa mga dekalibre at batikang aktres ng kanyang henerasyon.
Nakilala siya sa pagiging child star noong dekada '70s at hanggang ngayon ay nananatili pa ring nagniningning ang kanyang karera sa industriya ng showbiz. Noong 2019, ipinagdiwang ni Snooky ang kanyang ika-50 na anibersaryo sa showbiz.
Sa loob ng mahigit 50 na taon niya bilang artista, naging bahagi ng iba't ibang Kapuso series si Snooky at maraming manonood ang humahanga sa pag-arte ng beteranang aktres, mapabida man o kontrabida.
Kasalukuyang mapapanood si Snooky sa modern version ng coming-of-age series na 'Underage,' kung saan gumaganap siya bilang Velda Gatchalian.
Matatandaan na isa sa original cast si Snooky ng '80s hit film na 'Underage' kasama sina seasoned stars Dina Bonnevie at Maricel Soriano.
Kilalanin ang iba't ibang karakter na binigyang buhay ni Snooky Serna sa GMA na tumatak sa mga manonood sa gallery na ito.
Naging bahagi si Snooky ng cast ng horror-thriller series na 'La Vendetta.' Gumanap ang batikang aktres bilang si Janet, ang ina ni Eloisa na ginampanan ni Sunshine Dizon.
Ginampanan ni Snooky ang karakter bilang Mercedes, ang tunay na ina ni Emman (Dennis Trillo) na lihim na napopoot sa kanyang anak, sa 2015 primetime series na 'My Faithful Husband.'
Kabilang si Snooky sa stellar cast ng GMA Afternoon Prime series na 'Hahamakin Ang Lahat,' kung saan gumanap siya bilang Laura Caraca, ang isang kasambahay na namamasukan sa pamilya Tan.
Binigyang buhay ni Snooky ang kontrabida role bilang Deborah, ang sipsip na tiyahin ni Rita (Regine Velasquez), sa 2016 romantic-comedy series na 'Poor Señorita.'
Noong 2017, bumida si Snooky bilang Andeng sa 'Biglang Yaman' episode ng drama-anthology series na 'Karelasyon.'
Ang kuwento ng nasabing episode ay tungkol sa isang mahirap na pamilyang magiging bigla ang pagyaman. Nakasama pa rito ng veteran actress ang kapwa seasoned actor na si Gardo Versoza, na gumanap bilang ang asawa niyang si Toyong.
Noong 2018, ginampanan ni Snooky ang karakter bilang Camilla Austria sa Kapuso primetime series na 'Pamilya Roces.' Si Camilla ay silent but deadly dahil mayroon siyang pagtingin sa asawa ng kanyang kapatid na si Natalia (Gloria Diaz), si Rodolfo (Roi Vinzon).
Tampok ang makulay na buhay ni Snooky sa 'The Ups and Downs of Snooky Serna' episode ng drama anthology series na 'Magpakailanman' noong 2018.
Bumida ang veteran star mismo sa nasabing episode kasama sina Gary Estrada, Juan Rodrigo, Lui Manansala, Reese Tuazon, Kevin Santos, at marami pang iba.
Isa sa mga karakter na ginampanan ni Snooky ay si Patty, ang conservative at religious na nanay ni Alex (Lovi Poe), sa 2018 GMA Telebabad series na 'The One That Got Away.'
Naging bahagi si Snooky Serna ng 2019 epic dramaserye na 'Sahaya,' kung saan gumanap siya bilang Salida, ang ina ni Aratu (Benjamin Alves).
Isa sa mga ginampanang roles ni Snooky sa GMA-7 ay si Amy the Waray sa 2020 GMA Telebabad series na 'Anak Ni Waray Vs. Anak Ni Biday.'
Gumanap si Snooky bilang Susan, ang mapagmahal na ina ni Joyce (Klea Pineda), sa drama mini-series na 'Stories From The Heart: Never Say Goodbye' noong 2021.
Isa sa mga episode na pinagbidahan ni Snooky sa weekly drama anthology series na 'Tadhana' ay ang 'Inang Laya,' kung saan gumanap siya bilang Lorna, ang nanay ni Jervic (Jeric Gonzales) na nakalaya matapos ang labinglimang taong pagkakakulong.
Noong 2021, tampok si Snooky sa 'Anyare Sa 'Yo' episode ng weekend anthology series na 'Regal Studio Presents' kasama sina Sparkle stars Jak Roberto at Rita Daniela.
Gumanap ang renowned actress bilang ang stage mother na si Luz, na todo push pa rin para sa career revival ng kanyang anak na si Baby Girl (Rita Daniela), na dating sikat na child star.
Binibigyang buhay ni Snooky ang kontrabida role bilang Velda Gatchalian, ang asawa ni Dominic (Christian Vasquez), sa coming-of-age series na 'Underage.'
Dahil galing si Velda sa maimpluwensyang pamilya, siya ang rason kaya nasa pulitika ang kanyang asawa. Sa kabila ng pagiging matapobre, isang overprotective na ina si Velda sa kanyang mga anak kaya walang takot na gumaganti siya sa lahat ng mga nang-aagrabyado sa kanilang pamilya.
Nagbabalik si Snooky sa isang naiibang karakter sa 'Underage.' Matatandaan na naging bahagi ang seasoned star sa original cast ng cult classic film na 'Underage' noong '80s kasama sina Dina Bonnevie at Maricel Soriano.