Hinarana ng Kapuso actor at singer na si Kristoffer Martin ang naggagandahang mga kandidata sa ginanap na Binibining Sibugay 2023 sa Capitol Grounds, Sibugay, Zamboanga, kamakailan.
Bukod sa 14 na kandidata, nagbigay-saya rin ang 'Mga Lihim ni Urduja' actor sa mga dumalo sa naturang annual pageant at naki-fiesta sa Zamboanga.
Tingnan ang panghaharana ni Kristoffer sa Sibugay sa gallery na ito:
Maagang dumating si Kristoffer Martin sa Zamboanga para paghandaan ang festivities na pupuntahan niya. Sa isang Instagram video, makikita na binati pa niya ang ilang mga sumalubong sa kanya.
Sa stage, sinigurado ni Kristoffer na isang heartfelt song ang kanyang kakantahin para ma-inspire di lang ang mga kandidata na nasa likod niya, kundi pati ang mga miyembro ng audience.
Nilapitan din ng Kapuso singer at actor ang mga kandidata habang nagpe-perform.
Bukod sa pagiging mahusay na aktor, isa rin sa kinakikiligan ng fans tungkol kay Kristoffer Martin ang kanyang magandang boses.
Tila sinusuyo ni Kristoffer ang isang kandidata nang lumuhod siya sa harap nito.
Kahit nagpe-perform, game na game si Kristoffer makipag-selfie sa mga dumalo sa event.
Excited at hindi na makapaghintay ang mga manonood, matapos ang performance ni Kristoffer, sa pag announce ng bagong kokoronahang Binibining Sibugay.