Mula taong 2009 ay nakitaan na ng husay sa pag-arte sa ilang mga Kapuso serye si Barbie Forteza.
Nagsimulang mapanood si Barbie sa 'Stairway to Heaven' bilang Jodi, 'First Time' bilang Cyndi, at 'Pilyang Kerubin' bilang Charity hanggang sa nagsunod-sunod na ang kanyang mga teleserye sa Kapuso Network.
Ngayon, tinatawag na si Barbie bilang isang Kapuso Primetime Princess.
Balikan ang ilang seryeng ginawa ni Barbie sa GMA Network.
Patuloy na namamayagpag ang career ni Barbie Forteza bilang Kapuso Primetime Princess. Balikan natin ang ilan sa kanyang mga Kapuso serye na ginawa simula noong 2009.
Ang 'Stairway to Heaven' ay ang romance drama kung saan gumanap si Barbie bilang young Jodi. Ang karakter na Jodi ay ginampanan rin ni Rhian Ramos sa South Korean drama adaptation.
Gumanap naman si Barbie na Cyndi sa seryeng 'First Time.' Ipinalabas ito taong 2010 at nakasama niya rito sina Joshua Dionisio at Jake Vargas.
Taong 2010 rin ipinalabas ang seryeng pinagbidahan ni Barbie na 'Pilyang Kerubin.' Napanood si Barbie sa Telebabad drama series bilang si Charity.
Nakasama si Barbie sa drama romance series na 'Reel Love Presents: Tween Hearts' noong 2010. Kasama niya sa seryeng ito sina Joshua Dionisio, Bea Binene, Jake Vargas, at iba pang Kapuso teen stars.
Napanood rin ang Sparkle actress sa drama series na 'Jillian: Namamasko Po' noong 2010.
Taong 2011 bumida naman si Barbie sa seryeng 'Nita Negrita.' Siya ay gumanap bilang Antoinette/ Nita Raymundo o Nita Negrita.
Noong 2011, ipinalabas din ang seryeng 'Ikaw Lang ang Mamahalin' kung saan nakasama ni Barbie sina Joshua Dionisio, Kristoffer Martin, at Joyce Ching.
Sunod-sunod pa rin ang naging proyekto ni Barbie noong 2012. Isa rito ang 'Luna Blanca: Ang Ikalawang Yugto' kung saan gumanap siya bilang Blanca.
Sa 'Paroa: Ang Kwento ni Mariposa' ginampanan ng Kapuso star ang lead role na Mariposa De Guzman o Princess Aira.
Isa sa mga inabangang proyekto ni Barbie ay ang remake ng 'Anna Karenina.' Si Barbie ay napanood bilang Karen na dating ginampanan ni Sunshine Dizon noong 1996.
Napanood naman si Barbie sa 'Genesis' bilang Faith noong 2013. Nakatrabaho niya rito sina Dingdong Dantes at Rhian Ramos.
Isa sa mga tinutukang serye sa GMA Network ang serye nina Barbie at Thea Tolentino na 'The Half Sisters.' Namayagpag ito sa telebisyon taong 2013 hanggang 2016.
Napanood bilang guest star ng 'Dangwa' si Barbie noong 2015. Nakasama niya rito si Ruru Madrid.
Tinutukan naman ang karakter ni Barbie na Maria Rosario "Maru" Carreon Tapang sa 'That's My Amboy' noong 2016.
Nagpakilig naman si Barbie sa kanyang karakter na Maria Belinda "Billie" Bendiola noong 2017. Nakatambal niya sa proyektong ito sina Ken Chan, Jak Roberto, Addy Raj, at Ivan Dorschner.
Naging guest naman si Barbie sa remake ng South Korean series na 'My Love from the Star' noong 2017. Bida sa seryeng ito sina Jennylyn Mercado at Gil Cuerva.
Napanood si Barbie 'Super Ma'am' noong 2018 bilang mermaid na si Pearly.
Bumida si Barbie sa drama romance comedy series na 'Inday Will Always Love You' bilang Happylou noong 2018.
Trending sa social media ang seryeng pinagbidahan nina Barbie at Mika Dela Cruz na 'Kara Mia' noong 2019.
Gumanap si Barbie na Venus sa 2019 Kapuso serye na 'Love You Two.' Ang 'Love You Two' ay pinagbidahan naman nina Jennylyn Mercado at Gabby Concepcion.
Nagpakita ng husay si Barbie sa kaniyang pagganap bilang Ginalyn sa remake ng 'Anak ni Waray vs. Anak ni Biday' noong 2020. Nakasama niya sa seryeng ito sina Kate Valdez, Snooky Serna, Dina Bonnevie at marami pang iba.
Sa 'Heartful Café' napanood si Barbie bilang Corazon o Cors. Gumanap siya bilang girlfriend ni Ace, ang karakter na ginampanan naman ni David Licauco.
Taong 2021, hinangaan ang galing ni Barbie bilang Emma sa 'I Can See You: The Lookout.'
Na-excite si Barbie nang maging parte siya ng 'Mano Po Legacy' noong 2022. Ani Barbie, "I am so thrilled to announce that yes, I am part of the very first Mano Po teleserye entitled Mano Po Legacy: The Family Fortune together with the amazing cast and under the collaboration of the two pillars of Philippine Entertainment Industry: GMA @gmanetwork & Regal Entertainment Inc. @regalfilms50"
Isa sa mga tinutukan at minahal ng mga manonood ang karakter ni Barbie na Klay sa 'Maria Clara at Ibarra.' Dito rin kinakiligan ang kanilang tambalan ni David na gumanap naman bilang Fidel.