Claudine Barretto at Raymart Santiago, magkaibigan na
Published On: June 30, 2015, 11:43 AM
Updated On: March 15, 2020, 03:56 PM
By MARY LOUISE LIGUNAS
Hindi lang civil ang pakikitungo ng dating mag-asawa na sina Claudine Barretto at Raymart Santiago sa isa’t-isa. Ayon sa aktres, friends na raw ang status nila.
Sa report ni Luane Dy sa Unang Hirit, nabalitang naging daan si Judge Geraldine Macaraeg ng Marikina Regional Trial Court sa pagbabati ng dalawa.
Kamakailan ay nakita ring magkasama sina Claudine at Raymart nang ipagdiwang ng kanilang panganay na si Sabina ang kanyang ika-11 na kaarawan sa paaralan niya.
Nag-post si Claudine ng mga litrato kasama si Raymart at ng kanyang mga anak. Nag-iwan rin ito ng birthday wish para sa kanyang anak sa ngalan niya at ng dating asawa.
“Happy 11th birthday to our Princess Angel. You have brought [too] much joy to our family. We thank God for you every single day. We love you so much! We will always be here for you,” aniya.