Nakisaya ang ilang Kapuso stars na sina Jessica Villarubin; AraBella actors na sina Klea Pineda, Althea Ablan at Saviour Ramos; ang sweet couple ng Luv Is: Caught in His Arms at In My Dreams na sina Sofia Pablo at Allen Ansay; at Voltes V: Legacy actor Dennis Trillo sa ginanap na Ayat Festival sa San Fernando, La Union, noong March 12.
Ang Ayat Festival ay ginaganap taun-taon upang mapalaganap ang lengguahe, kultura, at sining ng La Union na puno naman ng kantahan, kasiyahan at kilig mula sa mga dumalong Kapuso stars.
Tingnan kung papaano nagpasaya ang mga Kapuso stars sa Ayat Festival sa Gallery na ito:
Nagbigay ng isang all-out performance ang Kapuso singer at 'All-out Sundays' diva na si Jessica Villarubin para sa mga dumalo sa fiesta.
Isang todo-bigay na birit naman ang pinakawalan ni Jessica sa kanyang performance na hinangaan namang ng maraming manonood.
Masaya naman si Jessica sa naging performance niya lalo na dahil kita rin niyang nasiyahan ang mga manonood dito.
Masayang performance din ang binigay ng 'AraBella' star na si Klea Pineda para sa mga manonood.
Isang madamdaming kanta ang pinerform ni Klea para sa mga nanonood.
Sobrang nag-enjoy ang fans ni Klea nang lumapit siya sa kanila habang nagpe-perform
Hindi naman nagpahuli si Althea Ablan, isa sa mga bida ng 'AraBella,' sa pagpapasaya ng mga manonood.
Hindi rin nag atubili si Althea sa pag lapit sa mga fans para magpa picture at selfie kahit sa gitna ng kanyang performance.
Kahit kumakanta pa, game pa rin si Althea para naman magpa groufie sa iba pang fans na nasa Ayat Festival.
Isang heartful performance din ang binigay ni Saviour Ramos sa mga nakisaya sa Ayat Festival.
Puno ng kilig ang mga titig ni Saviour sa mga fans, na kinagiliwan naman ng mga ito.
Baguhan man ang aktor ay handa naman itong sumabak sa mga challenges ng role nito sa 'AraBella' kasama sina Klea at Althea.
Enjoy na enjoy ang mga fans makita ang mga paborito nilang Kapuso stars kaya't hindi nila pinalagpas ang pagkakataon magpa-picture sa mga ito.
Hindi naman nagpahuli ang mga bida ng 'Luv Is, Caught in His Arms' na sina Sofia Pablo at Allen Ansay na nag perform din sa Ayat Festival.
Nag-uumapaw na kilig ang dala ni Sofia at Allen sa mga dumalo sa Ayat Festival
Siguradong marami ang napa 'sana all' nang ipakita nina Sofia at Allen ang sweetness nila sa isa't-isa habang nagpe-perform.
Naghahanda naman ang cutest loveteam ng GMA para sa panibago nilang series, ang 'In My Dreams.'
Ipinakita naman ni Allen ang romantic side niya habang kinakantahan ang audience.
Syempre, hindi rin nagpahuli si Allen na makakuha ng picture perfect na litrato kasama ang mga fans, kahit habang nagpeperform.
Nagbigay din ng magandang performance ang Kapuso Drama King na si Dennis Trillo na bibida sa papalapit nang 'Voltes V: Legacy.'
Siguradong marami ang nabighani sa boses ni Dennis ng kantahan niya ang mga manonood.
Isang harana ang inalay ni Dennis Trillo sa mga manonoog na dumalo sa Ayat Festival sa La Union.
Maraming Kapuso Fans din ang humanga sa pag ganap ni Dennis bilang Crisostomo Ibarra sa katatapos lang na portal fantasty series na 'Maria Clara at Ibarra.'
Maraming fans man ang nagre-request ng picture sa Kapuso Drama King, tuloy pa rin ang performance nito para makapagbigay saya sa mga dumalo sa Festival na inaabangan naman ang reunion project niya with Bea Alonzo na 'Love Before Sunrise.'
Nag bigay naman si Dennis ng chance sa isang fan na kumanta nang itapat ng aktor ang mic sa harap nito at kita ang saya nilang dalawa sa pag jam with the fans.
Successful naman ang performances at mainit ang pag tanggap ng mga taga La Union sa mga Kapuso stars na hindi nag atubili magpasaya sa mga Kapuso sa probinsya.