Kristoffer Martin on Joyce Ching: 'Gusto niya, 'pag papasok kami ulit sa relationship, stable na'
Published On: July 03, 2015, 11:33 AM
Updated On: February 23, 2020, 11:32 PM
By AL KENDRICK NOGUERA
PHOTO BY ELISA AQUINO, GMANetwork.com
May pag-asa pa kayang magkabalikan ang ex-couple at kapwa Healing Hearts stars na sina Kristoffer Martin at Joyce Ching?
"Gusto niya [Joyce], 'pag papasok kami ulit sa relationship, stable na," pahayag ni Kristoffer.
At kung sakaling magkakabalikan daw silang muli, sisiguraduhin daw nilang sobrang seryoso na ang tatakbuhin ng relasyon nila. "Aminin natin, bata pa kami nag-start. Kumbaga, makikita mo 'yung difference from before sa ngayon na 'yung demand ng partner mo, ay kaya mo nang i-supply," ani Kristoffer.
May mga pagkakataon din daw na napag-uusapan nila ni Joyce ang mga mali nila noon at nare-realize nila na kaya na nilang solusyonan kung magiging sila ulit.
"Friends kami ngayon eh. Ang nawala lang is 'yung commitment namin sa isa't-isa. In terms of care, nariyan pa rin naman eh. Kumbaga nasa sa 'min na siguro 'yung cue kung magkakabalikan kami," pagtatapos ni Kristoffer.