Panonoorin ba ni Dennis Trillo ang pagrampa ni Jennylyn Mercado?
Published On: July 07, 2015, 08:09 AM
Updated On: July 24, 2020, 11:41 AM
By MICHELLE CALIGAN
PHOTO BY BOCHIC ESTRADA, GMANetwork.com
Wala raw balak si Kapuso actress Jennylyn Mercado na imbitahan ang kanyang ex-boyfriend and My Faithful Husband co-star na si Dennis Trillo sa FHM's 100 Sexiest Women Victory Party para panoorin ang kanyang pagrampa.
"Hindi ko siya inimbitahan eh. Kahit mga magulang ko nga ayokong imbitahan eh. Nahihiya ako kasi. Siguro kung hindi pa ako nag number one, talagang hindi ko kaya. Kailangan kong aralin or pagpraktisan," kuwento ni Jen nang makausap ng press sa story conference ng kanyang upcoming primetime series.
Napaghandaan na ba niya ito?
"Hindi pa eh. Paghahandaan ko pa lang. Ngayong araw pa lang ako nagsimulang mag-exercise. Doon [New York] walang exercise, puro kain at trabaho," referring to the movie she shot in New York with Sam Milby.
Nang tanungin si Dennis kung ano ang masasabi niya sa pagkapanalo ng kanyang leading lady, ito ang kanyang naging sagot.
"Eh 'di masaya siyempre. Masaya ako para sa kanya na siya 'yung napili sa FHM bilang number one."
Manonood ba siya ng pagrampa ni Jen if she changes her mind about inviting him?
"Medyo magulo doon eh. Pero bahala na, siguro."