Barbie Forteza, hindi maiwasang kiligin sa scenes nila ni Andre Paras
Published On: July 08, 2015, 07:22 AM
Updated On: March 01, 2020, 02:42 AM
By AL KENDRICK NOGUERA
PHOTO BY BOCHIC ESTRADA, GMANetwork.com
Inamin ni Kapuso Teen Queen at The Half Sisters star Barbie Forteza na hanggang ngayon ay crush na crush niya pa rin si Dennis Trillo.
"Pakiramdam ko naman po na tanggap ni Andre [Paras] na [crush ko pa rin si] Dennis. Kahit naman po sina Direk Mark [Reyes] alam naman po nila 'yon," natatawang bahagi ni Barbie.
Pero kahit na si Dennis pa rin ang ultimate crush ni Barbie, mayroon naman daw siyang isang bagay na hindi maitatanggi tungkol kay Andre. "Aaminin ko naman po. Opo [may dating sa 'kin si Andre]. May mga eksena po na hindi ko talaga mapigilang kiligin," saad niya.
"Siguro nakikita rin talaga 'yon 'pag napapanood. Kaya marami ring nakikikilig sa 'kin," dagdag pa niya.
Hindi rin daw maisip ni Barbie na hinahabol-habol siya ng kanyang napakaguwapong leading man sa Afternoon Prime soap sa totoong buhay. Aniya, "Kasi naman ang guwapo-guwapo, ang tangkad-tangkad tapos sa 'kin magkakagusto talaga, ako talaga 'yung hinahabol? Ang ganda ko 'di ba? I love my job!"
Ano pa ang gusto ni Barbie kay Andre? "Ever since naman po, gentleman si Andre. Tsaka hindi siya mayabang at saka hindi siya showbiz na tao," sagot ni Barbie.