Kapuso stars, pasok sa 100 Most Beautiful list
Published On: July 29, 2015, 02:20 PM
Updated On: July 21, 2020, 02:57 AM
By CHERRY SUN
Kabilang ang Kapuso stars sa 100 Most Beautiful list ng Yes! magazine.
PHOTO BY ELISA AQUINO, GMANetwork.com
Nanguguna rito ang Kapuso Primetime couple na sina Marian Rivera at Dingdong Dantes. Present din sa event ang real-life couple na sina Rocco Nacino at Lovi Poe.
Stunning din sa red carpet sina Janine Gutierrez, Kris Bernal, Benjamin Alves, Andrea Torres at LJ Reyes.
“For me naman kasi ‘yung beautiful, it doesn’t define naman just ‘yung physical appearance mo ‘di ba. Siyempre kailangan inside and out you’re beautiful. So ako naman, naniniwala ako na ang Yes! pinili kami hindi dahil sa itsura o panlabas na anyo namin, pero siyempre ‘yung nakikita nilang siguro influence namin," paliwanag ni LJ sa panayam ng 24 Oras.
Dumating din ang Beautiful Strangers star na si Christopher de Leon kasama ang kanyang maybahay na si Sandy Andolong.
“I’ve recovered very fast,” pagtukoy ni Sandy sa kanyang matagumpay na kidney transplant.
“We’re just very very happy, answered prayers,” patuloy nito.
Agaw eksena naman ang Philippine Queen of Comedy na si Aiai Delas Alas na nagse-celebrate din ng kanyang 25th anniversary sa mundo ng showbiz.
“Sa bawat labas ko, kailangan ‘yung dating Aiai na nakita niyong pasabog, ‘yun ulit,” kuwento ni Aiai.
Ganito rin daw ang dapat i-expect sa kanyang upcoming comedy variety show, ang Sunday Pinasaya. “Every Sunday may pasabog, ‘yung iba surprise,” sambit nito.
Ginawaran din ang Wowowin host na si Willie Revillame ng plaque of appreciation bilang best-selling cover sa 15 years ng Yes! magazine.
PHOTO BY ELISA AQUINO, GMANetwork.com
Dumalo rin sa event ang GabRu at BiGuel love teams na mga first time napabilang sa listahan.
“Memorable siya sa amin kasi first din namin ‘to, both as individuals and as a pair,” pahayag ng Let the Love Begin actress na si Gabbi Garcia.
“Hindi rin po kasi namin inexpect na mapapabilang kami sa isang daan na pinakamagaganda,” dagdag din ni Ruru Madrid.
Bahagi naman ni Bianca Umali, “[We’re] surprised na nakasama kami sa 100 most beautiful.
Dugtong naman ni Miguel Tanfeliz, “Masaya kami kasi first time namin makasali dito.”