Benjamin Alves, nililigawan nga ba si Glaiza de Castro?
Published On: September 13, 2015, 04:41 PM
Updated On: March 19, 2020, 05:02 PM
By BEA RODRIGUEZ
Naging close ang Kapuso stars na sina Benjamin Alves at Glaiza de Castro nang mapasama sila sa cast ng Dading noong nakaraang taon at sunud-sunod na ang kanilang pag-bonding kahit tapos na ang kanilang show.
Hangang-hanga rin ang hunk actor sa mahusay na pagganap ng aktres sa The Rich Man’s Daughter at kapansin-pansin ang pagiging maalaga nang dalhan niya ang “Synthesis” singer ng pagkain kada binibisita sa recording ng album nito.
Saad ni Glaiza sa report ng 24 Oras Weekend, “Naa-appreciate ko ‘yun talaga sa kanya. Nakakatuwa na alam mo ‘yun, may mga taong ganun sa ‘yo na pinapa-feel na, in a way, importante ka.”
Nang tinanong ni Lhar Santiago kung nanliligaw si Benjamin sa kanya, natawa ang dalaga at sinabing, “’Di ko po masabi….parang ‘di dapat sa akin manggaling iyon.”
Sa panayam naman ng GMANetwork.com sa Beautiful Strangers star noong Cosmopolitan Carnival 2015, nilinaw ng aktor na single raw siya ngayon, “I am. I wish I can say I wasn’t.”
Walang rin raw espesyal na tao na dumalo para suportahan siya sa kanyang pagrampa, “Someone special, you mean? Wala eh. Who knows? Sana next year…[kung] kasama ako.”