AlDub, bagong endorsers ng isang telco company
Published On: September 14, 2015, 06:45 PM
Updated On: February 20, 2020, 10:28 AM
By BEA RODRIGUEZ
Ngayong alam na natin kung sino ang bagong mahal ng Pambansang Bae na si Alden Richards, iniisip niya kung kakausapin at ipapaabot niya na ang kanyang nararamdaman.
“Tetext ko na ba siya? Papansinin niya kaya ako?” tanong ng kinikilig na binata sa kanyang Instagram post.
Si Yaya Dub o si Maine Mendoza naman, tila nag-post din ng litrato ng nakangiting texter. “Mauuna kaya [siya] magtext? O ako dapat?” aniya.
Samantala, gulong-gulo ang Eat Bulaga host na si Joey de Leon kaya nag-post siya sa kanyang Twitter kung ano'ng ibig sabihin ng “TNT” sa #ALDUBForTNT.
Tanong ng beteranong komedyante, “Trending Nang Trending? O, Tidora Nidora Tinidora?”
Ngayong September 14, ipinakilala na sina Alden at Yaya Dub o mas kilalang trending love team na AlDub bilang bagong endorsers ng Talk ‘N Text (TNT).
Sa kalye-serye ng Eat Bulaga, nagkakausap lang ang dalawa sa pamamagitan ng Dubsmash at fan signs kaya pinasok ng TNT ang mundo ng phenomenal love team.
“Makakatulong kami diyan! Makakatulong kami para mas lalo silang makapag-usap, makapagkuwentuhan, makipagtawagan at makagamit din ng Facebook. Dun namin naisip para mapagpatuloy ang lambingan,” saad naman ni Carlo Endaya, Head of Brand Strategy and Communications ng Smart Communications.
“Makakatulong kami diyan! Makakatulong kami para mas lalo silang makapag-usap, makapagkuwentuhan, makipagtawagan at makagamit din ng Facebook. Dun namin naisip para mapagpatuloy ang lambingan,” saad naman ni Carlo Endaya, Head of Brand Strategy and Communications ng Smart Communications.
Inihayag naman ng First Vice President and Head of Prepaid ng Smart Communications na si Evelyn Jimenez ang ilang detalye tungkol sa telecom commercial ng love team, "We really had to revamp the story board to make sure we accommodate how the story is being told right now. When we had this discussion with the Eat Bulaga team, definitely, it was co-created. It was a win-win situation because we felt the end product achieved both the objective of the brand and of the AlDub story."
Saad naman ni Alden, “’Yun lang ‘yung means of communication namin to say what we want to say to each other. We don’t text, we don’t call yet, we don’t communicate sa social media dun sa mga private messages to maintain the mystery, the magic behind [and] the sensation.”
Saad naman ni Alden, “’Yun lang ‘yung means of communication namin to say what we want to say to each other. We don’t text, we don’t call yet, we don’t communicate sa social media dun sa mga private messages to maintain the mystery, the magic behind [and] the sensation.”