'Princess in the Palace,' magsisimula na sa September 21
Published On: September 18, 2015, 03:16 PM
Updated On: February 28, 2020, 08:57 AM
By MARAH RUIZ
Matagal nang pinapangarap ni Ryzza Mae Dizon ang magbida sa isang teleserye. At mukhang dumating na ang tamang panahon para rito!
Simula Lunes, September 21, mapapanood na ang The Ryzza Mae Show Presents: Princess in the Palace.
Tampok dito si Ryzza Mae bilang Princess Cruz, isang simpleng batang babago sa buhay ng pinaka makapangyarihang babae sa bansa.
Makakasama niya rito si Eula Valdez na gaganap bilang si President Leonora Clarissa "Leona" Jacinto at Aiza Seguerra bilang si Joey, miyembro ng Presidential Security Group.
The Ryzza Mae Show Presents: Princess in the Palace, simula September 21, bago ang Eat Bulaga.