Isang taon nang nagbibigay ng kilig ang tambalang Barbie Forteza at David Licauco!
Ang BarDa ay nagsimula sa seryeng 'Maria Clara at Ibarra' kung saan gumanap si Barbie bilang Maria Clara "Klay" Infantes at si David naman bilang Fidel de los Reyes.
Simula noon ay sinuportahan na ng mga manonood ang dalawa at naging isa sa mga kinakikiliging tambalan sa bansa.
Balikan ang isang taong pagbibigay kilig ng BarDa rito:
Nag-celebrate na ng isang taong pagpapakilig sa mga manonood ang tambalang Barbie Forteza at David Licauco!
Nagsimula ang kanilang tambalan sa kanilang pagganap bilang Maria Clara "Klay" Infantes at Fidel de los Reyes sa 'Maria Clara at Ibarra.'
Binansagang Breakout Loveteam of the Year ang tambalang Barbie at David o BarDa.
Sa loob ng isang taon ay umani ng maraming tagasuporta ang tambalang BarDa!
Hindi matatawaran ang pagsuporta sa tambalang BarDa dahil sila ay laging trending sa social media.
Kahit saan man mag-guest sina Barbie at David, tinututukan sila ng kanilang mga fans.
Nagdiwang ang kanilang mga tagahanga nang mabalitaan nilang magbabalik tambalan ang BarDa sa telebisyon sa seryeng 'Maging Sino Ka Man.'
Storycon pa lamang ay ipinaramdam na ng fans nina Barbie at David ang kanilang pagsuporta sa bagong proyekto ng kanilang mga idolo sa GMA Network.
Pati kilig moments sa kanilang pictorial ay tinutukan ng kanilang mga tagahanga.
Sunod-sunod naman ang endorsements nina Barbie at David dahil sa success ng kanilang loveteam.
Inaabangan ng fans ng BarDa ang bawat proyekto ng kanilang idolo.
Sa ginanap na Ultra Mega Expo 2023, ipinakita nina Barbie at David ang kanilang chemistry sa mga manonood.
Abangan ang mga susunod pang proyekto at pagpapakilig nina Barbie at David soon!